ओली र प्रचण्डबीच भेटवार्ता चल्दै

असार २३, २०७७ मंगलबार १२:१०:५३ | उज्यालो सहकर्मी

पार्टीभित्रको विवाद मिलाउन नेकपाका दुई अध्यक्षबीच आज पनि एक्लाएक्लै भेटवार्ता भएको छ । प्रधानमन्त्री एवं पार्टी अध्यक्ष केपी शर्मा ओलीलाई भेट्न अर्का अध्यक्ष पुष्पकमल दाहाल प्रचण्ड बालुवाटार पुग्नुभएको हो ।
पछिल्लोपटक बढेको विवाद मिलाउन पहिले दुई अध्यक्षबीच मात्रै छलफल गर्ने र आवश्यक परेमा मात्र अरु नेताहरुलाई सहभागी गराउने सहमति भएको छ । दुई अध्यक्षबीचको भेट सकारात्मक बन्दै गएको नेताहरुको भनाई छ । पार्टीको स्थायी कमिटी बैठक र सामूहिक छलफल स्थगित गरेर नेकपाका दुई अध्यक्षले एक्लाएक्लै भेटको रणनीति अपनाएका हुन् ।
हिजो पनि प्रधानमन्त्री ओली र नेकपाका अध्यक्ष प्रचण्डबीच भेट भएको थियो । दुई अध्यक्षबीच सहमति जुट्यो भने त्यसैका आधारमा अन्य नेतासँग छलफल गर्ने ओली–प्रचण्डको तयारी छ । सहमति खोज्न भन्दै स्थायी कमिटी बैठक भोलि ११ बजेसम्मका लागि स्थगित गरिएको छ ।

अन्तिम अपडेट: माघ २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्