कतारले आममाफी पाएका र घरफिर्ती केन्द्रमा रहेका १६१ नेपालीलाई स्वदेश पठायो

असार २४, २०७७ बुधबार १९:५३:५० | उज्यालो सहकर्मी

काठमाण्डौ – कतारमा घरफिर्ती केन्द्रमा रहेका र आममाफी पाएका १६१ जना नेपाली आज स्वदेश आइपुगेका छन् ।

कतारमा विभिन्न अभियोगमा जेल सजाय भोगिरहेका तर यो समयमा आममाफी पाएका र कतारको विभिन्न कानुन उल्लङ्घन गरेर घर फर्कने क्रममा रही घर फिर्ती केन्द्रमा रहेका १६१ जना कतार एअरवेजको जहाजार्फत स्वदेश फर्किएका कतारमा रहेको नेपाली दूतावासले जनाएको छ ।

उनीहरुको स्वदेश फिर्तीका लागि दूतावासले कतार सरकार र नेपाल सरकारका विभिन्न निकायसँग समन्वय गरेको जनाएको छ । यसअघि १९ जुनमा पनि कतारले यस्तै प्रक्रिया अन्तर्गत ४३ जना नेपालीलाई नेपाल पठाएको थियो ।

कतारबाट समस्यामा परेका नेपालीहरु विभिन्न चार्टर्ड उडानमार्फत स्वदेश फर्किरहेका छन् । हिमालय र नेपाल एअरलाइन्सका जहाजले नेपालीहरु ल्याइरहेका छन् ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्