प्रिमियर लिगमा म्यानचेस्टर युनाइटेड विजयी

असार २६, २०७७ शुक्रबार ७:४:४ | उज्यालो सहकर्मी

इंग्लिस प्रिमियर लिगमा म्यानचेस्टर युनाइटेड (म्यानयु) विजयी भएको छ । गएराति भएको खेलमा युनाइटेडले एस्टोन भिल्ला माथि ३–० को फराकिलो जित दर्ता गरेको हो ।

म्यानयुलाई जिताउन ब्रुनो फर्नान्डो, मेसन ग्रीनउड र पौल पोग्बाले एक एक गोल गरेका थिए । स्टोनभिल्लाको घरेलु मैदानमा पाहुना टोली म्यानयुले २७ औं मिनेटमा अग्रता लिएको थियो । ब्रुनो फर्नान्डोले पेनाल्टी मार्फत गोल गर्दै टिमलाई अग्रता दिलाएका थिए । यसैगरी पहिलो हाफको अतिरिक्त समयमा मेसन ग्रीनउडले गोल गरेपछि पहिलो हाफ म्यानयुले २–० ले अग्रता बनाउँदै सकाएको थियो ।

५८ औं मिनेटमा पौल पोग्बाले गोल गरेपछि म्यानयु ३–० ले अघि बढ्यो । त्यसपछि दुवै तर्फबाट कुनैपनि गोल नभएपछि एस्टोन भिल्ला ३–० ले पराजित भयो । जितसँगै म्यानयु ५८ अंकसहित तालिकाको पाँचौं स्थानमा छ भने पराजित भएको भिल्ला २७ अंकसहित पुछारबाट दोस्रो स्थानमा छ ।

यस्तै, प्रिमियर लिग अन्तर्गत गएराति नै भएको अर्को खेलमा एभर्टन र साउथ ह्याम्पटन एक एक गोलको बराबरीमा रोकिएका छन् । ३१ औं मिनेटमा साउथ ह्याम्पटनका विलियन इंग्सले गोल गर्दै अग्रता दिलाए पनि ४३ औं मिनेटमा एभर्टनका रिचर्लसनले बराबरी गोल गरेका थिए । एर्भटन १० औ तथा साउथ ह्याम्पटन ११ औं स्थानमा छन् ।

अर्को खेलमा टोटनेहम र एएफसी बर्नमाउथ भने गोलरहित बराबरीमा रोकिएका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्