'जुम्लामा फोन लाग्छ तर कुरा बुझिँदैन, इन्टरनेट घुमिरहन्छ'

साउन १४, २०७७ बुधबार १५:२३:७ | नेत्र शाही

जुम्ला – जुम्लामा टेलिफोन काटिने र इन्टरनेट स्लाे हुँदा उपभाेक्ता हैरान भएका छन् । लकडाउनपछि फोन काटिने, प्रस्ट आवाज नआउने समस्याले उपभाेक्ता हैरान भएका हुन् । साथै नेपाल टेलिकमले जोडेको ल्याण्डलाइन इन्टरनेट सेवासमेत निकै ढिलो भएकाले कामकाज प्रभावित भएको छ ।

सदरमुकाममा समेत मोबाइलमा आवाज प्रस्ट नसुनिने उपभाेक्ताकाे गुनासाे छ । स्थानीय राम रावलले मोबाइलमा प्रस्ट आवाज नसुनिने र रोकिने समस्या आएको तर सरोकारवाला निकायले समस्या समाधानमा ध्यान नदिएको बताउनुभयो ।

मोबाइलमा नम्बर डायल हुने तर कुरा गर्न नपाउँदै पैसा मात्रै काटिने समस्याले हैरान भएकाे उपभाेक्ताकाे गुनासो छ ।

नेपाल टेलिकम जुम्लाका कार्यालय प्रमुख रामचन्द्र श्रेष्ठका अनुसार ग्राहक बढ्दै जाँदा र ट्रान्समिसन क्षमता पुरानै भएकाले अहिले टेलिफोनमा समस्या आएको जानकारी दिनुभयो । उहाँका अनुसार यसका लागि प्रदेश कार्यालयलाई समेत पत्राचार गरिएको छ ।

एक हप्तादेखि मोबाइल र डाटामा समस्या भएकाले जतिसक्दो चाँडो पहल गरिदिन अनुरोध गरिएको कार्यालय प्रमुख श्रेष्ठले जानकारी दिनुभयो ।

ट्रान्समिसन लिङ्क साँघुरो भएकाले क्षमता बढाउनु पर्ने अवस्था आएको छ । क्षमता मात्रै बढ्ने हो भने सुधारिन सक्छ । यसैगरी इन्टरनेट स्लाे हुँदा उपभाेक्ता समस्यामा परेका छन् । रकम मात्रै काट्ने तर सेवा प्रवाहमा ध्यान नदिने काम भएको उनीहरुकाे भनाइ छ ।

इन्टरनेट स्लाे हुँदा बैंक तथा वित्तीय संस्थाका कामदेखि 'ई प्रणाली' बाट गरिने आर्थिक कारोबारसमेत प्रभावित हुने गरेको छ । गाउँपालिकामा पनि समस्या उस्तै छ।

इन्टरनेटका कारण गाउँपालिकाका धेरै काम प्रभावित हुने गरेको जुम्लाको पातारासी गाउँपालिकाका प्रमुख प्रशासकीय अधिकृत टेकबहादुर बुढ्थापाले जानकारी दिनुभयो । इन्टरनेटका कारण असारकाे महिनामा काम गर्दा तनाव बेहाेर्नु परेकाे कनकासुन्दरी गाउँपालिकाका लेखापाल गोपाल बुढाले गुनासो पोख्नुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्