साउदीबाट घर फर्कंदा जरिवानामा परिने चिन्ता छ ? जान्नुहोस् यी नियम

साउन १८, २०७७ आइतबार १२:२१:४० | उज्यालो सहकर्मी

काठमाण्डौ – तपाईँ साउदीमा हुनुहुन्छ ? पासपोर्टमा भिसाको म्याद र करार, अकामा नवीकरण नहुँदा कारबाहीमा परिने हो कि भन्ने चिन्तामा हुनुहुन्छ ? त्यसो हो भने अब चिन्ता नलिनुहोस् ।

साउदीले अहिले कोरोना महामारीका कारण यो अवधिमा भिसाको अवधि सकिएका, अकामाको समयअवधि सकिएका र करार सकिएकालाई कारबाही वा जरिवाना गर्ने कुरा उठाएको छैन ।

यतिबेला साउदीले भिसा, करार, अकामा लागयतका कारण जरिवाना गर्ने सन्दर्भमा कुनै कुरा नउठाएको र बरु यस्ता विदेशी नागरिकको स्वदेश फिर्तीका लागि सहजिकरण गरिरहेको साउदीका लागि नेपाली राजदूत डा. महेन्द्रप्रसाद सिंह राजपुतले जानकारी दिनुभयो ।

साउदीले महामारी सुरु भएपछि ३ महिना भिसाको म्याद स्वतः बढ्ने गरी थपिदिएको र अहिले पनि फेरि थप तीन महिना थपिदिएकाले भिसा सकियो, घर जाँदा जरिवानामा वा कारबाहीमा परिन्छ कि भनेर चिन्ता नलिन आग्रह गर्नुभएको छ ।

भिसा, कारार वा अकामा नहुँदा साउदीमा बस्दा जरिवाना हुने नियम भए पनि अहिले महामारीको बेलामा यस्ता नियम आकर्षित नहुने उहाँले बताउनुभएको छ ।

अहिले कोरोना महामारीका बेलामा चार्टर्ड उडानमार्फत घर फर्कन एक्जिट भिसा लिएकाहरु पनि टिकट नपाएको गुनासो गरिरहेका छन् । यसरी एक्जिट लिएको दुई महिनाभित्र साउदी छाड्न सक्ने नियम भएकाले आत्तिन पर्दैन ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्