ओली–प्रचण्डबीचको संवाद फेरि टुट्यो, आज पनि भेटवार्ता भएन

साउन २२, २०७७ बिहीबार १९:५८:४८ | उज्यालो सहकर्मी

काठमाण्डौ – सत्तारुढ नेपाल कम्युनिस्ट पार्टी (नेकपा) का दुई अध्यक्षबीच बिहीबार हुने भनिएको भेटवार्ता पनि स्थगित भएको छ ।

पार्टीका दुई अध्यक्ष पुष्पकमल दाहाल प्रचण्ड र प्रधानमन्मत्रीसमेत रहनुभएका अर्का अध्यक्ष केपी शर्मा ओलीबीच बिहीबार भेटवार्ता हुने भनेर बुधबार नै भनिएको थियो । बुधबारका लागि तय भएको भेटवार्ता बिहीबारको लागि सारिए पनि आज छलफल हुन नसकेको अध्यक्ष प्रचण्डका प्रेस संयोजक विष्णु सापकोटाले उज्यालोलाई जानकारी दिनुभयो । उहाँहरुबीच शुक्रबार पनि भेटवार्ता हुने सम्भावना कम छ ।

यसैबीच बिहीबार अध्यक्ष प्रचण्ड र नेकपा संसदीय दलका उपनेता सुवासचन्द्र नेम्वाङबीच भने भेटवार्ता भएको छ । पार्टीका दुई अध्यक्ष केपी शर्मा ओली र प्रचण्डबीच छलफल हुन नसकेको समयमा अध्यक्ष प्रचण्डकै आग्रहमा आफू खुमलटार पुगेको नेता नेम्वाङले बताउनुभयो ।

छलफलका क्रममा दुई अध्यक्षबीच तत्कालै कुरा मिल्ने विषयमा आफू विश्वस्त रहेको नेता नेम्वाङको भनाइ छ । छलफल सकारात्मक भएको र सबैको पहल दुई अध्यक्षबीच समझदारी कायम गरेर अघि बढ्नेतर्फ केन्द्रित हुनुपर्ने उहाँले बताउनुभयो ।

बिहीबारको भेटमा अध्यक्ष प्रचण्डले नेम्वाङलाई ओली लचिलो नहुने हो भने पार्टीको बहुमत पक्षले विधानअनुसार अघि बढ्नुपर्ने बताएको स्रोतले जनाएको छ ।

गएको साउन १३ गतेको स्थायी कमिटी बैठक स्थगित भएसँगै नेकपाभित्रको विवाद थप चुलिँदै गएको छ । १३ गतेपछि झण्डै एक हप्ताको संवादहीनता टुटेको भनिए पनि दुई अध्यक्षबीच फेरि छलफल हुन छाडेको हो ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्