वैदेशिक रोजगार बोर्डबाट पाउने आर्थिक सहायतका लागि पालिकाबाटै निवेदन दिन अनुरोध

साउन २७, २०७७ मंगलबार १५:०:५३ | उज्यालो सहकर्मी

काठमाण्डौ – वैदेशिक रोजगार बोर्डबाट प्रदान गरिने आर्थिक सहायताका लागि आफ्नो पालिकामा गएर निवेदन दिन अनुरोध गरिएको छ ।

कोरोना सङ्क्रमणको जोखिम बढेकाले बोर्डबाट लिनुपर्ने आर्थिक सहायतका लागि सम्बन्धित पालिकामार्फत निवेदन दिन वैदेशिक रोजगार बोर्डले अनुरोध गरेको हो । मृतकका हकवालाले बोर्डबाट पाउने आर्थिक सहायतादेखि अंगभंग भएका, गम्भीर बिरामी भएर परदेशबाट फर्किएका लगायतका श्रमिकलेसमेत आवश्यक कागजातसहित पालिकाबाटै आर्थिक सहायताका लागि निवेदन दिन सक्नेछन् ।

यसबारे थप बुझ्न परेमा श्रम कल सेन्टरमा ११४१ नम्बरमा वा बोर्ड सचिवालयमा ४२२०३११ मा फोन गर्न सकिन्छ ।

वैदेशिक रोजगार नियमावली २०६४ को नियम २८ को उपनियम ७ बमोजिम पालिकामार्फत नै अहिले आर्थिक सहायताका लागि निवेदन दिन सकिन्छ । तर पालिकाबाट भन्दा पनि आर्थिक सहायताका लागि बोर्डमा नै धेरै जना आउने गरेको बोर्डले जनाएको छ ।

आर्थिक सहायताका लागि निवेदन दिन काठमाण्डौ नै आउने झन्झन्ट गर्नुभन्दा पनि आफ्नै पालिकाबाट निवेदन दिँदा सजिलो हुने र जोखिम पनि कम हुने बोर्डको भनाइ छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्