कार्गो सञ्चालन नहुँदा विमानस्थलमै थन्किए खाद्य सामग्री

साउन २२, २०७५ मंगलबार ९:१६:१५ | सुवास दर्नाल

सोलुखुम्बु – सोलुखुम्बुको माथिल्लो क्षेत्र खुम्बुका लागि लगिएको खाद्यान्न लगायतका अन्य सामग्री चार महिनादेखि फाप्लु विमानस्थलमा थन्किएका छन् । श्री एयरलाइन्सको कार्गो विमानमा समस्या आएपछि महिनौदेखि ढुवानीको सामान विमानस्थलमै थन्किएको हो ।

ढुवानी कर्ता कर्मा शेर्पाका अनुसार कार्गो विमान बिग्रिएर समयमा नै मर्मत हुन नसक्दा निर्माण सामाग्रीसहित दैनिक उपभोग्य वस्तु खुम्बुको माथिल्लो क्षेत्र लैजान सकिएको छैन । उहाँका अनुसार विमान कम्पनिसँग कुराकानी भैरहेको छ ।

केही दिनमै कार्गो विमान सोलुखुम्बु आउने जानकारी विमान कम्पनीले दिएपनि कहिले आउँछ भन्ने यकीन भने छैन । अधिकांश सामाग्री स्याङबोचे लैजानुपर्ने छ ।
खुम्बुको माथिल्लो क्षेत्रमा दैनिक उपभोग्य वस्तु ढुवानी गराउँदै आउनुभएका स्थानीय व्यापारी गोपाल सुनुवारका अनुसार वैशाखदेखि खाद्यन्नका सामाग्री गोदाममा थन्किएको छ ।

समयमानै सामान ढुवानी हुन नसक्दा गोदाममा रहेको खाद्य सामाग्रीमा म्याद सकिने संभावना बढेको छ ।

खुम्बु क्षेत्रमा कार्गो सेवा उपलब्ध गराउने एकमात्र विमान कम्पनी श्री यएरलाइन्सका प्रतिनिधि राजनविक्रम शाहले ढुवानीको विषयमा आफूलाई केही पनि जानकारी नभएको बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्