कपिलवस्तुमा भदौ १५ गतेसम्म निषेधाज्ञा

भदौ ७, २०७७ आइतबार १७:५४:५६ | गोपाल भण्डारी

कपिलवस्तु – कपिलवस्तुमा एक हप्ताका लागि निषेधाज्ञा थप गरिएको छ ।

जिल्लामा कोरोना सङ्क्रमण तीव्र गतिमा फैलँदै गएकाले यसको नियन्त्रणका लागि निषेधाज्ञा एक हप्ता थप गरिएको प्रमुख जिल्ला अधिकारी दीर्घनारायण पौडेलले बताउनुभयो ।

भदाै १५ गते राति १२ बजे सम्मका लागि जिल्लामा निषेधाज्ञा जारी गरिएको जिल्ला प्रशासन कार्यालयले जनाएको छ । निषेधाज्ञा रहर नभई बाध्यता भएको प्रमुख जिल्ला अधिकारी पौडेलले बताउनुभयो ।

निषेधाज्ञा अवधिभर बैंक तथा वित्तिय संस्थाहरु स्वास्थ्य निर्देशिका पालना गर्दै सञ्चालन गरिनेछन् । स्वास्थ्य सुरक्षा तथा सतर्कता अपनाएर न्यून कर्मचारीहरुबाट दैनिक बिहान ८ बजेदेखि १० बजेसम्म सञ्चालन गर्न जिल्ला प्रशासन कार्यालयले निर्देशन गरेको छ ।

तरकारी र खाद्यान्न खरिदका लागि पनि बिहान ८ बजेदेखि १० बजे सम्मको समय तोकिएको छ । निषेधाज्ञा जारी अवधिभर अति आवश्यक सेवाका पसल तथा सवारी साधन बाहेक सबै बन्द हुने जनाइएको छ ।

उद्योग तथा कलकारखाना भने स्वास्थ्य मन्त्रालयले जारी गरेको स्वास्थ्य निर्देशिका अनुसार सुरक्षा सर्तकता अपनाएर सञ्चालन गर्न सकिने जिल्ला प्रशासन कार्यालयले जनाएको छ ।

दमकल, एम्बुलेन्स, शव बाहन, दूध, खानेपानीका गाडीहरु बाहेक अन्य सवै निजी तथा भाडाका सवारी साधानहरु सञ्चालनमा पूर्ण रोक लगाइएको छ । राजमार्ग भएर गुड्ने गाडीहरु जिल्लामा नरोकिने गरी भने चल्न पाउने छन् ।

जिल्लामा अहिलेसम्म एक हजार ४५ जनामा कोरोना सङ्क्रमण पुष्टि भइसकेको छ । कोरोना सङ्क्रमणकै कारण २ जनाको ज्यान गएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्