दैलेखमा निषेधाज्ञा तीन दिन लम्बियो

भदौ ७, २०७७ आइतबार २१:२८:१३ | अमर सुनार

दैलेख – जिल्ला प्रशासन कार्यालय दैलेखले ४ गतेदेखि सुरु भएको निषेधाज्ञा भदौ १० गते रातिसम्मका लागि लम्ब्याएको छ । तीजमा भिडभाड रोक्न चार दिन गरिएको निषेधाज्ञा थप तीन दिन बढाइएको दैलेखका प्रमुख जिल्ला अधिकारी सन्तबहादुर सुनारले जानकारी दिनुभयो ।

थप गरिएको निषधाज्ञा अवधिमा औषधि पसललगायत स्वास्थ्य सेवा, खानेपानी, इन्धन, कृषि उपज ओसारपसार लगायतका अत्यावश्यकीय सेवाहरु बिहान ६ बजेदेखि ८ बजेसम्म र अपराह्न ४ बजेदेखि ६ बजेसम्म खुला गरिने जानकारी दिइएको छ ।

स्वास्थ्य सचेतना र सुरक्षा सावधानीमा बेवास्ता भएको कारण समुदायमा कोरोना सङ्क्रमण देखिन थालेपछि जिल्लाभर निषेधाज्ञा जारी गरिएको र कडाइका साथ कार्यान्वयन गर्ने रणनीति लिइएको सहायक प्रजिअ इन्द्रबहादुर क्षेत्रीले बताउनुभयो ।

कर्णाली प्रदेशमा तीन महिनाको अवधिमा दुई हजार दुई सय ४४ जनामा कोरोना सङ्क्रमण पुष्टि भएकोमा प्रदेशमै सबैभन्दा धेरै दैलेखमा एक हजार ३७ जनालाई कोरोना सङ्क्रमण भएको छ ।

तीमध्ये नौ सय ७५ जना निको भइ घर फर्किएका र ६२ जना आइसोलेशन, अस्पताल र घरकै आइसोलेशनमा बसेका स्वास्थ्य सेवा कार्यालयका कोभिड फोकल पर्सन थीरप्रसाद रेग्मीले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्