मेलुङ गाउँपालिकाका ६३ जनालाई रेबिजविरुद्धको खोप

भदौ १२, २०७७ शुक्रबार १८:५९:२२ | उषा तामाङ

दोलखा – मेलुङ गाउँपालिकाका ६३ जनालाई रेबिज रोगविरुद्धको खोप लगाइएको छ । १६ दिनको अवधिमा गाउँपालिकामा रेबिज रोग लागेको कुकुरको टोकाइबाट तीन जनाको ज्यान गएसँगै शुक्रबार ६३ जनालाई खोप लगाइएको हो ।

असार २६ गते गाउँपालिकाको वडा नम्बर ५ र ६ मा कुकुरले टोकेका तीन जना पुरुष र तीन जना महिला र केही समयअघि गाउँपालिकाको वडा नम्बर ७ का ६ जना गरी कुकुरले टोकेका १२ जनालाई शुक्रबार पहिलो चरणको खोप लगाइएको हो ।

त्यसैगरी रेबिज रोग लागेका कुकुरको टोकाइबाट ज्यान गएका तीन जनाको परिवार र कुकुरले टोकेका व्यक्तिको सम्पर्कमा गएका ५१ जनालाई खोप लगाइएको छ । उनीहरुलाई अर्को थप खोप भदौ १५ र १९ गते लगाइनेछ ।

खोप लगाउन तथा घटनाबारे बुभ्mन शुक्रराज ट्रपिकल तथा सरुवा रोग अस्पताल टेकुबाट डाक्टर निशान्त ठाकुरको टोली गाउँपालिका आउनुभएको थियो । डाक्टर ठाकुरको टोलीले गाउँपालिकाका थप स्वास्थ्यकर्मी, पशु प्राविधिकलाई खोप र लगाउने तरिकाका विषयमा जानकारी गराएको छ ।

शनिबारदेखि दुई वटा समूह बनाइ गाउँपालिकाका सम्पूर्ण कुकुरलाई रेबिज रोगविरुद्धको ओप लगाइने मेलुङ गाउँपालिकाले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्