डोटीमा स्वाब नहुँदा कोरोना परीक्षण गर्नमा समस्या हुँदै

भदौ २३, २०७७ मंगलबार १३:२८:२५ | विमल बिष्ट

डोटी - कोरोना जाँचका लागि डोटीमा पर्याप्त मात्रामा स्वाबको नमुना नभएका कारण कोरोना परीक्षणमा ढिलाइ हुनुका साथै समस्या हुन थालेको छ ।

डोटीमा प्रयोगशाला स्थापना भएदेखि नै स्वाबको अभाव हुँदै आएको स्वास्थ्यकर्मीहरु बताउँछन् । जिल्लामा रहेकाे पीसीआर मेसिनको दैनिक परीक्षण क्षमता एक हजार २०० भए पनि स्वाब अभावमा यहाँ औसतमा दैनिक १०० जनाको मात्रै स्वाब परीक्षण हुँदै आएको जिल्ला अस्पताल डोटीका अस्पताल व्यवस्थापन समितिका अध्यक्ष यज्ञराज जोशीले बताउनुभयो ।

उहाँले भन्नुभयो, ' हामीसँग पर्याप्त स्वाब नै छैन, स्वाब नहुँदा कोरोना परीक्षणका ढिलाइसहित समस्या हुँदै आएको छ ।' कोरोना परीक्षण गर्ने ल्याबमा थ्रोट स्वाबको नमुना सकिएपछि जिल्ला अस्पताल डोटीको प्रयोगशालामा दुई दिन कोरोना परीक्षण गर्ने कार्य रोकिएको ल्याब इन्चार्ज शौरभ श्रेष्ठले बताउनुभयो । उहाँले भन्नुभयो, 'थप स्वाब आएन, हामीसँग भएका स्वाब परीक्षण गरी सकिएपछि आइतबार साँझ र सोमबार बिहान त परीक्षण कार्य नै बन्द गर्नु पर्यो ।'

यहाँका गाउँघरमा स्वाब सङ्कलन गर्नमा ढिलाइ भएका कारण प्रयोगशालामा पनि स्वाब अभाव भएको जिल्ला अस्पताल डोटीले जनाएको छ । जिल्लामा कोरोना संक्रमितको सङ्ख्या दिनहुँ बढी रहे पनि स्वाब सङ्कलन गर्नमा ढिलाइ भएका कारण समस्या हुँदै आएको छ । जिल्ला स्वास्थ्य कार्यालयका प्रमुख रमेश मलासीका अनुसार पछिल्लो समय जिल्लामा कुल ९५५ जनामा कोरोना संक्रमण भएको पुष्टि भएको छ ।

प्रयोगशालामा स्वाब अभाव हुन नदिन अब समुदाय स्तरमा कोरोना परीक्षण गर्ने कार्य अघि बढाइएको स्वास्थ्य प्रमुख मलासीले जानकारी दिनुभयो । जिल्लामा मात्रै नभएर छिमेकी जिल्ला अछाम तथा बाजुराबाट पनि पर्याप्त मात्रामा स्वाब नआएका कारण यहाँको प्रयोगशालामा स्वाब अभाव भएर परीक्षण कार्य नै रोकिन थालेको बताइएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्