गण्डकी प्रदेशमा ४९ र पाल्पामा ३० गरी ७९ जनामा कोरोना पुष्टि

भदौ २५, २०७७ बिहीबार ९:९:२५ | राधाकृष्ण डुम्रे

स्याङ्जा - गण्डकी प्रदेश र पाल्पामा स्वास्थ्यकर्मी, प्रहरी र जनप्रतिनिधिसहित ७९ जना कोरोना सङ्क्रमित थपिएका छन् । गण्डकी प्रदेशमा स्वास्थ्यकर्मी र प्रहरीसहित ४९ जना सङ्क्रमित थपिएका हुन् ।

सबैभन्दा धेरै सङ्क्रमित कास्कीको पोखरा महानगरपालिकामा १९ जना थपिएका छन् । त्यस्तै स्याङ्जामा १२ जनामा सङ्क्रमण पुष्टि भएको छ ।

यस्तै बाग्लुङका नौ जना, तनहुँमा तीन जना, नवलपरासी सुस्ता पूर्वमा पाँच जना र पर्वतमा एक जना थपिएका छन् ।

पोखरामा सङ्क्रमण पुष्टि भएकामध्ये एक जना पश्चिमाञ्चल सामुदायिक अस्पतालमा कार्यरत नर्स र पर्वतमा प्रहरीमा कार्यरत रहेको गण्डकी प्रदेशका स्वास्थ्य निर्देशक डाक्टर विनोदबिन्दु शर्माले जानकारी दिनुभयो ।

यसैगरी स्याङ्जाका सङ्क्रमितमध्ये ४ जना जिल्ला मालपोत कार्यालयका कर्मचारी र एक जना वडा सचिव रहेको स्वास्थ्य कार्यालय स्याङ्जाका प्रमुख यामप्रसाद शर्माले जानकारी दिनुभयो ।

स्याङ्जामा सङ्क्रमित भएका जुवाडेहरुको सम्पर्कमा आएकाको कन्ट्याक ट्रेसिङमा समुदाय स्तरका पाँच जनामा कोरोना देखिएको उहाँले बताउनुभयो । योसँगै बिहीबार बिहानसम्म गण्डकी प्रदेशमा कोरोना सङ्क्रमितको संख्या दुई हजार सात सय २८ जना पुगेको छ ।

एक हजार आठ सय आठ जना निको भएका छन् । यस्तै पाल्पामा एकैदिन ३० जनामा कोरोना सङ्क्रमण पुष्टि भएको छ । हिजो बेलुका प्राप्त रिपोर्टअनुसार रम्भा गाउँपालिकाका ९ जना र बाँकी १९ जना तानसेन बजार क्षेत्रका हुन्। नेपालमा हिजो एक हजार ८१ जनामा कोरोना सङ्क्रमण पुष्टि भएसँगै कुल संक्रमितको संख्या ४९ हजार दुई सय १९ पुगेको छ । सङ्क्रमितमध्ये नौ सय १८ जनासहित कुल ३३ हजार आठ सय ८२ जना निको भएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्