३ सय ५५ मुसहर परिवारको हातमा पक्की घरको साँचो

असोज २, २०७७ शुक्रबार २०:१०:१ | बाबुराम देवकोटा

सिन्धुली – सिन्धुलीको दुधौली नगरपालिकाका अति विपन्न मुसहर समुदायका तीन सय ५५ घर परिवारले दुई कोठे पक्की घर पाएका छन् ।

वाग्मती प्रदेश सरकारको जनता आवास कार्यक्रम अन्तर्गत निर्माण भएका ती घरको प्रदेशका मुख्यमन्त्री डोरमणि पौडेलले एक समारोहबीच उद्घाटन तथा साँचो हस्तान्तरण गर्नुभएको छ । कार्यक्रममा मुख्यमन्त्री पौडेलले समृद्धिको यात्रा सरकारको मुख्य मिसन भएको भन्दै एकीकृत नमुना मुसहर बस्ती निर्माण अहिलेको संविधानको उपलब्धि भएको बताउनुभयो ।

‘लामो सङ्घर्ष र बलिदानीपछि अहिलेको संविधान जारी भएको हो’, उहाँले भन्नुभयो, ‘अब कुनै पनि नेपाली भोकै र छाप्रोमुनि बस्नुपर्दैन ।’

कार्यक्रममा दुधौली नगरपालिकाका मेयर घनश्याम राउतले नगरपालिकामा विपन्न मुसहर समुदायका सात सय ५० घर निर्माण गर्ने लक्ष्य रहेकोमा पहिलो चरणमा तीन सय ५५ घर निर्माण सम्पन्न भइ सम्बन्धित परिवारलाई साँचो हस्तान्तरण गरिएको बताउनुभयो ।

भवन निर्माण गर्ने शहरी विकास तथा भवन डिभिजन कार्यालय सिन्धुलीका प्रमुख दुर्गाप्रसाद घिमिरेले जनता आवास कार्यक्रम अन्तर्गत दुधौली नगरपालिकामा मुसहर बस्तीमा दुई वर्षअघि घर बनाउन सुरु गरेको जानकारी गराउनुभयो ।

उहाँले दुधौली नगरपालिकाको वडा नम्बर ४, ५, ६, ७, ९, १० र ११ मा मुसहर समुदायको तीन सय ५५ घर ११ करोड २२ लाख सात हजार ६ सय ५१ रुपैयाँको लागतमा निर्माण भएको सुनाउनुभयो । रङ्गीन जस्तापाताले लहरै बनेका घरले मुुसहरको नमुना बस्ती यतिखेर उज्यालिएको उहाँको भनाइ थियो ।

हुरी बतास, आगलागी र सर्पको त्रास खेप्दै आएका सिन्धुलीको दुधौली नगरपालिकाका मुसहर समुदायका व्यक्ति दुई कोठे पक्की नयाँ घरमा बस्न पाएपछि खुसी भएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बाबुराम देवकोटा

बाबुराम देवकोटा सिन्धुलीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्