सोलुखुम्बु जिल्ला अस्पतालमा सेवा प्रभावित, दश दिनमा चार वटा शव पोष्टमार्टमका लागि ओखलढुङ्गा लगियो

मंसिर ७, २०७७ आइतबार १३:११:२८ | उज्यालो सहकर्मी

सोलुखुम्बु - सोलुखुम्बुबाट पछिल्लो दश दिनमा चार वटा शव पोष्टपार्टमका लागि छिमेकी जिल्ला ओखलढुङ्गा लगिएको छ ।

जिल्ला अस्पताल फाप्लुमा सेवा प्रभावित हुँदा कात्तिक २७ गतेयता विभिन्न कारणले ज्यान गुमाएका जनाको शव पोष्टमार्टमका लागि जिल्ला अस्पताल रुम्जाटार पठाइएको जिल्ला प्रहरी कार्यालय सोलुखुम्बुले जनाएको छ । कात्तिक २७ र ३० गते एक/एक वटा र मंसिर ३ गते दुई वटा गरी चार वटा शव ओखलढुङ्गा पठाइएको जिल्ला प्रहरी कार्यालयका प्रहरी निरीक्षक अनिल माबोहाङले जानकारी दिनुभयो ।

तीन जना डाक्टर कार्यरत जिल्ला अस्पतालमा एक जना डाक्टर कोरोना सङ्क्रमणका कारण आइसोलेशनमा रहेको, एक जनाको सरुवा भएको र एक जना तिहार बिदामा बसेकाले अस्पतालको सेवा प्रभावित भएको हो । प्रसूति सेवा, जटिल प्रकृतिका स्वास्थ्य सेवा तथा पोष्टमार्टम सेवा प्रभावित बनेको अस्पतालले जनाएको छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्