इथियोपियामा विद्रोहीलाई आत्मसमर्पण गर्न तीन दिनको समयसीमा

मंसिर ८, २०७७ सोमबार ९:३८:३२ | उज्यालो सहकर्मी

काठमाण्डाै - इथियोपिया सरकारले विद्रोही समूहलाई तीन दिनभित्र आत्मसमर्पण गर्न समयसीमा दिएको छ ।

इथियोपियाले उत्तरी तिग्रे क्षेत्रमा रहेका तिग्रे पीपुल्स लिबरेसन फ्रन्ट (टीपीएलएफ) का विद्रोहीहरुलाई तीन दिनभित्र आत्मसमर्पण गर्न अल्टिमेटम दिएको बीबीसीले जनाएको छ । प्रधानमन्त्री अबी अहमदले उत्तरी तिग्रेमा विद्रोहीको कब्जामा रहेका मेकेलेन सहरमा कारबाही गर्नुअघि नै आत्मसमर्पण गर्न अल्टिमेटम दिनुभएको हो ।

विद्रोहीले गैरकानुनी ढंगबाट त्यस क्षेत्रमा गतिविधि सञ्चालन गरेको भन्दै प्रधानमन्त्री अहमदले सेनाले कारबाही थाल्नुअघि नै आत्मसमर्पण गर्न चेतावनी दिनुभएको हो । प्रधानमन्त्रीको चेतावनीविरुद्ध टीपीएलएफले कुनै प्रतिक्रिया दिएको छैन । प्रधानमन्त्रीको घोषणालगत्तै सरकारी सेनाले विद्रोहीविरुद्धको कारबाहीका लागि तयार रहेको बताएको खबरमा उल्लेख छ ।

लामो समयदेखिको युद्धका कारण इथियोपियामा हजारौं नागरिकको ज्यान गएको छ । कयौँ घाइते भएका छन् । युद्धकै कारण कयौँ सर्वसाधारणहरु विस्थापित भएर छिमेकी देशका सहरहरुमा शरणार्थी भएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्