सरकारले संसद् बन्द गरी आफ्नाे सुरक्षा कवचकाे रूपमा प्रयाेग गरिरहेकाे छ : प्रकाशशरण महत

मंसिर १५, २०७७ सोमबार १७:५८:४२ | उज्यालो सहकर्मी

काठमाण्डाै – नेपाली कांग्रेसका सहमहामन्त्री प्रकाशशरण महतले सत्ता सङ्घर्षलाई व्यवस्थापन गर्न सत्तारुढ दलले लामो समयसम्म संसद् बन्द राखेको आरोप लगाउनुभएको छ ।

महामारीको समयमा पनि संसद् बन्द गरेर सत्तारुढ दलले आफ्नो पार्टीभित्रको सत्ता सङ्घर्षको खेललाई व्यवस्थित गर्न ध्यान दिएको आरोप उहाँले लगाउनुभयो । नेपाल सांस्कृतिक सङ्घका पदाधिकारीहरूसँको अन्तर्क्रियामा महतले पाँच महिना लामो लकडाउन र निषेधाज्ञा खुले पनि आर्थिक र सामाजिक जीवन आफ्नो लयमा फर्किन नसकेको बताउनुभयो ।

उहाँले सत्तारुढ दलले राज्यका संयन्त्रलाई प्रभावमा पारेर नागरिकलाई झुक्याइरहेको समेत बताउनुभयो । प्रतिपक्षी दल कांग्रेसले कोरोनाविरुद्ध सचेतना अभियान, प्रत्यक्ष कोभिड प्रभावितहरूकाे आवाज सरकारसम्म पुर्‍याउने विषयलाई मुख्य प्राथमिकताका साथ उठाए पनि सरकारले आफ्नो कुरा सहज रूपमा नसुनेको बताउनुभयो । सङ्क्रमणको जोखिमका कारण बाहिर निस्किन सक्ने अवस्था नभएको फाइदा उठाउँदै सरकारले संसद् बन्द गरी आफ्नो सुरक्षा कवचका रूपमा प्रयोग गरिरहेको आरोपसमेत लगाउनुभयो ।

कांग्रेसको कोभिड–१९ अनुगमन समितिका संयोजकसमेत रहनुभएका महतसँग सांस्कृतिक सङ्घका पदाधिकारीहरूले निश्चित मापदण्ड बनाएर चलचित्रसँग सम्बन्धित सम्पूर्ण विधालाई खुला गर्न पहल गर्न आग्रह गरेका छन् ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सरकारले संसद् बन्द गरी आफ्नाे सुरक्षा कवचकाे रूपमा प्रयाेग गरिरहेकाे छ : प्रकाशशरण महत

फाइल फाेटाे

तपाईको प्रतिक्रिया