खाँदबारीमा कुकुरकाे टाेकाइबाट ६ जना घाइते

पशु–चाैपायालाई पनि टाेक्याे

मंसिर १८, २०७७ बिहीबार १४:२:५३ | नवीन गुरुङ

सङ्खुवासभा – सङ्खुवासभाको खाँदबारी नगरपालिका ३ को मानेभञ्याङ बजारमा कुकुरको टोकाइबाट ६ जना मानिस र नौ पशु चौपया घाइते भएका छन् ।

मानेभञ्याङ बजारमा बहुला कुकुरको टोकाइबाट स्थानीय हिमला राई, रोहित पौडेली, पुरन विश्वकर्मा, बालकुमार घिमिरे, नाम नखुलेका सात वर्षीय बालक र विमान रसाईली घाइते भएको खाँदबारी नगरपालिका ३ का अध्यक्ष भरतकुमार घिमिरेले जानकारी दिनुभयो । उहाँका अनुसार केही दिन अघिदेखि बहुला कुकुरले जथाभाबी टोक्दैै हिँडेको छ ।

कुकुरको टोकाइबाट गम्भीर घाइते भएका सात वर्षीय बालकको जिल्ला अस्पताल खाँदबारीमा उपचार हुन नसकेपछि धरानको वीपी कोइराला स्वास्थ्य विज्ञान प्रतिष्ठान रेफर गरिएको वडाध्यक्ष घिमिरेले जानकारी दिनुभयो । कुकुरले टोकेका सबैलाई जिल्ला अस्पतालबाट निःशुल्क रेबिजविरुद्वको खोप दिइएको छ ।

कुकुरले स्थानीय ईश्वर घिमिरे, ज्ञानबहादुर घिमिरे, प्रेममणि घिमिरेको गाई र बाच्छोलाई टोकेर घाइते बनाएको छ । त्यसैगरी गायत्री खनाल, ज्ञानबहादुर घिमिरे, ऋषिराज घिमिरे, उमेश गुरुङको गाई र खाँदबारी नगरपालिका ४ का बाबुराम राईको बाख्रालाई पनि कुकुरले टोकेको हो ।

एउटै कुकुरले बिहान र बेलुकीको समयमा टोकेको हो । त्यो कुकुर अझै पनि फेला नपरेको वडाध्यक्ष घिमिरेको भनाइ छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्