ज्याला बढाउनुपर्ने माग गर्दै अरुण तेस्रो जलविद्युत् आयोजनाको ड्याम साइटका मजदुर आन्दोलित

मंसिर २२, २०७७ सोमबार १६:४:४१ | नवीन गुरुङ

सङ्खुवासभा – सङ्खुवासभामा निर्माणधीन नौ सय मेगावाटको अरुण तेस्रो जलविद्युत् आयोजनाको ड्याम साइटका मजदुर आन्दोलित भएका छन् । ज्याला बढाउन माग गर्दै उनीहरुले सोमबार बिहानैदेखि आन्दोलन सुरु गरेका हुन् ।

आन्दोलनका कारण निर्माणाधीन नौ सय मेगावाटको अरुण तेस्रो जलविद्युत् आयोजनाको ड्याम साइट मकालु गाउँपालिका ५ फ्याक्सिन्दा दोभानमा काम प्रभावित भएको छ । अरुण तेस्रो सुरुङ्ग मार्ग निर्माणलगायतका ड्याम साइटको काम भारतीय निर्माण कम्पनी जेपी एसोसियटर्स कन्ट्रक्शनले गरिरहेको छ ।

लामो समयदेखि मजदुरहरुको ज्याला नबढाएको, स्थानीय श्रमिक तथा मजदुरहरुलाई काम नदिएको लगायतका विषयमा ठेकेदार निर्माण कम्पनीसँग असुन्तष्टि जनाउँदै कामदारले काम रोकेका हुन् । यसअघि पनि मजदुरहरुले ज्याला बढाउन माग गर्दै काम रोकेपछि तत्कालै बढाउने सहमति भएको थियो । तर नौ महिना बितिसक्दा समेत ज्याला बढाउने र स्थानीय मजदुरलाई काम दिने सहमति निर्माण कम्पनीले पालना नगरेको आन्दोलन थालेको मजदुरहरुको भनाइ छ ।

सङ्खुवासभाका प्रमुख जिल्ला अधिकारी जीवनप्रसाद आचार्यले ड्याम साइटमा कार्यरत मजदुरहरुले ज्याला बढाउनुपर्ने माग गरी आन्दोलन गरेको जानकारी पाएको बताउनुभयो । बहुचर्चित नौ सय मेगावाटको अरुण तेस्रो जलविद्युत् आयोजना भारतीय सतलज कम्पनीले निर्माण गरिरहेको छ । गएको कात्तिक २६ गते प्रधानमन्त्री केपी शर्मा ओलीले समेत स्थलगत अनुगमन गर्दै अरुण तेस्रोको कामबाट सन्तुष्ट रहेको बताउनुभएको थियो ।

मकालु ५ फ्याक्सिन्दा दोभानदेखि ११ किलोमिटर सुरुङ खनेर चिचिला गाउँपालिका २ को पुखुवामा पावर हाउस रहनेछ । पावर हाउस भारतीय पटेल इञ्जिनिरिङ कम्पनीले काम गरिरहेको छ । अरुण तेस्रो परियोजनामा एक खर्ब ४४ अर्ब रुपैयाँ लागत लाग्ने अनुमान गरिएको छ । आयोजना ७० प्रतिशत ऋण र ३० प्रतिशत स्वपुँजीमा निर्माण गर्न लागिएको हो ।

यस्ताे छ मागपत्र–

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्