नेपालको बिजुली किन्न भारतको आलटाल, ऊर्जा सचिवस्तरीय बैठकमा हस्ताक्षर भएन

मंसिर २६, २०७७ शुक्रबार १९:५८:१० | उज्यालो सहकर्मी

काठमाण्डौ – नेपाल–भारत ऊर्जा सचिवस्तरीय बैठक कुनै सहमतिमा हस्ताक्षर नगरिकनै सकिएको छ । बिहीबार देखि सुरु भएको भर्चुअल बैठक शुक्रबार सकिएको र कुनै पनि सम्झौतामा हस्ताक्षर नभएको ऊर्जा, जलस्रोत तथा सिँचाइ मन्त्रालयले जनाएको छ ।

बैठकमा प्रसारण लाइन र विद्युत् व्यापारका केही विषयमा सहमति नजिकै पुगिएको तर हस्ताक्षर नै गर्ने गरी माइन्युट तयार पार्न नसकिएको मन्त्रालयले जनाएको छ । यो बैठकमा सहमति नजिक पुगेका विषयमा केही दिनभित्रै हस्ताक्षर गर्ने मन्त्रालयका सचिव दिनेश घिमिरेले जानकारी दिनुभयो ।

नेपालको बिजुली किन्न भारतसँग मुख्य सम्झौता भए पनि भारतले कार्यविधि पारित नगर्दा बर्खामा नेपालको बिजुली खेर गएको कुरालाई यो बैठकमा महत्त्वका साथ उठाइएको र भारत सकारात्मक रहेको पनि सचिव घिमिरेले बताउनुभयो ।

यस्तै ढल्केबर–मुजप्फरपुर चार सय केभी प्रसारण लाइनबाट नौ सय मेगावाटसम्म बिजुली आयात–निर्यात गर्नेे, न्यु बुटवल–गोरखपुर प्रसारण लाइनको लागि दुई देशले संयुक्त कम्पनी बनाउने लगायतका विषय पनि लगभग टुङ्गोमा पुगेको उहाँको भनाइ छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्