नाइजेरियाको एक विद्यालयमा बन्दुकधारी समूहले आक्रमण गर्दा सयौँ विद्यार्थी बेपत्ता

मंसिर २८, २०७७ आइतबार १०:१४:१० | उज्यालो सहकर्मी

काठमाण्डाै - नाइजेरियाको एक विद्यालयमा बन्दुकधारी समूहले आक्रमण गर्दा सयौँ विद्यार्थीहरु बेपत्ता भएका छन् ।

नाइजेरियाको कत्सिना राज्यमा रहेको सरकारी विद्यालयमा पठनपाठनको समयमा मोटरसाइकलमा आएका बन्दुकधारीहरु प्रवेश गरेपछि विद्यार्थीहरुबीच भागदौड मच्चिएको बीबीसीले जनाएको छ ।

बन्दुकधारीको आक्रमण लगत्तै विद्यालयका सुरक्षागार्ड र नाइजेरियाली सेनाले स्थिति नियन्त्रणमा लिएको खबरमा उल्लेख छ ।

बन्दुकधारीहरु हवाईफायर गर्दै विद्यालयभित्र प्रवेश गरेका थिए । घटनाको समयमा विद्यालयमा ८ सयभन्दा बढी विद्यार्थीहरु अध्ययनरत रहेकोमा केहीले भागेर ज्यान जोगाएका छन् भने केही हराइरहेका छन् ।

घटनामा केही सुरक्षाकर्मीहरु घाइते भएका छन् । यसैबीच नाइजेरियाका राष्ट्रपति मोहमद बुहारीले घटनाको निन्दा गर्दै हराइरहेका विद्यार्थीहरुको खोजी कार्य तीव्र पार्न सम्बन्धित निकायहरुलाई निर्देशन दिनुभएको छ ।

यसअघि सन् २०१४ मा उत्तर पूर्वी नाइजेरियाको चिबोकको एक विद्यालयबाट विद्रोही समूह बोको हरामले २ सय ७० जना छात्राहरुको अपहरण गरेको थियो।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्