मोडर्नाको खोप ९४ प्रतिशत सुरक्षित, आपतकालीन प्रयोगका लागि बाटो खुला

पुष १, २०७७ बुधबार ६:२४:२८ | उज्यालो सहकर्मी

काठमाण्डाै – अमेरिकामा कोरोना भाइरस विरुद्धको अर्को खोप पनि आपतकालीन प्रयोगका लागि बाटो खुलेको छ । अमेरिकाको खाद्य तथा औषधि प्रशासन एफडीएले मोडर्नाको खोप ९४ प्रतिशत सुरक्षित भएको जनाएको छ ।

एफडीएका विशेषज्ञका अनुसार अमेरिकामा मोडर्नाको खोप अब प्रयोगका लागि बाटो खुलेको हो । अस्तिदेखि अमेरिकामा फाइजर र बायोएनटेक कम्पनीले बनाएका खोप लगाउने अभियान सुरु भइसकेको छ । भोलि मोडर्नाको खोपलाई अमेरिकामा आपतकालिन प्रयोगका लागि अनुमति लिन विज्ञको बैठक बस्दैछ ।

अनुमति लिएको २४ घण्टाभित्र खोप वितरण भइसक्ने बिबिसीले उल्लेख गरेको छ । पछिल्लो समय युरोप र अमेरिकामा तीव्र रुपमा फैलिरहेको महामारीलाई नियन्त्रण गर्नका लागि एकभन्दा बढी खोपहरु सफल हुन आवश्यक रहेको विज्ञहरुले पनि बताउँदै आएका छन् ।

यसैबीच, युरोपका केही देशहरुमा क्रिसमसको समयमा प्रतिबन्धात्मक नियमहरु लागू गरिएका छन् । जर्मनीमा आजदेखि लकडाउन गरिने भएको छ । आजदेखि अत्यावश्यकबाहेकका पसल तथा स्कुल कलेज बन्द हुने भएका छन् । बेलायतमा पनि आजदेखि लकडाउन लागू हुने भएको छ भने फ्रान्समा रातको समयमा कर्फ्यू जारी रहने छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्