अमेरिकामा माेडेर्नाले बनाएको खोपलाई पनि अनुमति

पुष ३, २०७७ शुक्रबार १३:१२:४७ | उज्यालो सहकर्मी

काठमाण्डाै - अमेरिकाले कोरोना भाइरस विरुद्ध माेडेर्नाले बनाएको खोपलाई पनि अनुमति दिएको छ ।

माेडेर्नाले विकास गरेको खोपलाई पनि आपतकालीन रुपमा प्रयोगका लागि स्वीकृति दिएको अमेरिकाको नियामक निकाय फूड एण्ड ड्रग एडमिनिस्ट्रेशन (एफडीए)ले जनाएको छ । कोरोना भाइरस विरुद्धको लडाइँमा यो दोस्रो विकल्प भएको एफडीएले जनाएको छ ।

समाचार संस्था रोयटर्सका अनुसार यो खोप १८ वर्ष र १८ वर्षभन्दा माथिको उमेर समूहमा प्रभावकारी देखिएको छ । यसअघि एफडीएले माेडेर्नालाई खोपको आपतकालीन प्रयोगका लागि स्वीकृति दिने सङ्केत गरेको थियो । एफडीएको सल्लाहकार बोर्डका विज्ञहरुले सर्वसम्मत रुपमा माेडेर्नाकाे खोप सुरक्षित तथा प्रभावकारी रहेको भन्दै स्वीकृति प्रदान गर्न सुझाव दिएका थिए ।

त्यसपछि प्रक्रिया पूरा गरेर एफडीएले स्वीकृति दिने निर्णय गरिसकेको रोयटर्सले उल्लेख गरेको छ । यसअघि एफडीएले फाइजर-बायोएनटेकले विकास गरेको खोपलाई गएको हप्ता स्वीकृति दिएको थियो । कोरोना विरुद्धको अर्को खोपले पनि अनुमति पाएपछि अमेरिकामा कोरोना भाइरसको नियन्त्रणमा आशा जागेको खबरमा उल्लेख गरिएको छ ।

कोरोना भाइरसको महामारीबाट सबैभन्दा धेरै प्रभावित भएको अमेरिकामा अहिलेसम्म एक करोड ७६ लाखभन्दा धेरैलाई कोरोना भाइरसको सङ्क्रमण भएको छ भने तीन लाख १७ हजारभन्दा धेरैको ज्यान गएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्