​काठमाडौंमा सुरु भयो कम्युनिष्टहरुको अन्तर्राष्ट्रिय सम्मेलन

 जेठ १६, २०७५ बुधबार १४:१७:१६ | उज्यालो सहकर्मी

काठमाडौं, जेठ १६ – काठमाडौंमा कम्युनिष्ट पार्टीहरुको अन्तराष्ट्रिय सम्मेलन सुरु भएको छ । 

कार्ल मार्क्स द्विशतवार्षिकीको अवसर पारेर बुधबारबाट काठमाडौंमा ‘माक्र्सवाद र समाजवाद’ विषयक अन्तराष्ट्रिय सम्मेलन सुरु भएको हो । सम्मेलनको उद्घाटन गर्दै प्रधानमन्त्री एवम् नेपाल कम्युनिष्ट पार्टीका अध्यक्ष केपी शर्मा ओलीले कम्युनिष्ट पार्टी नेतृत्वको वर्तमान सरकार लोकतान्त्रिक मूल्य र मान्यता अनुसार अघि बढने स्पष्ट पार्नुभयो । 

उहाँले निर्वाचनको माध्यामबाट पनि कम्युनिष्ट पार्टीहरुले बलियो सरकार चलाउन सक्छन् भन्ने कुरा नेपालबाट विश्वका सबै कम्युनिष्ट पार्टीहरुले सिक्न सक्ने धारणा पनि राख्नुभयो । प्रधानमन्त्री ओलीले कम्युनिष्ट पार्टी नेतृत्वको वर्तमान सरकारको मुख्य लक्ष्य राजनीतिक स्थायित्व र जनताको चाहना अनुसारको विकास भएको पनि स्पष्ट पार्नुभयो । उहाँले समाजवाद उन्मुख अर्थतन्त्र निर्माणका लागि आफूहरुले सामाजिक न्यायमा आधारित अर्थतन्त्रमा जोड दिएको पनि बताउनुभयो ।

नेपाल कम्युनिष्ट पार्टीका अध्यक्ष एवम् पूर्व प्रधानमन्त्री पुष्पकमल दाहालले जनतालाई सशक्त बनाउँदै समाजवाद निर्माण गर्ने दिशामा नेपालका कम्युनिष्ट पार्टीहरुले एकपछि अर्को सफलता हात पार्दै आएको बताउनुभयो । उहाँले नेपाल कम्युनिष्ट पार्टीले निर्वाचनको माध्यामबाट पनि जनताको अपेक्षा अनुसार काम गर्न सकिन्छ भन्ने नयाँ दृष्टान्त पेश गरेको पनि स्पष्ट पार्नुभयो । 

२ दिनसम्म चल्ने सम्मेलनमा नेपालसहित ११ देशका कम्युनिष्ट, श्रमिक तथा समाजवादी पार्टीहरुको सहभागिता रहेको छ । मुलुकलाई समृद्ध बनाउने अभियानमा यो अन्तराष्ट्रिय कम्युुनिष्ट पार्टीको सम्मेलन फलदायी हुने अपेक्षा गरिएको छ ।

अन्तिम अपडेट: माघ ९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

यी सेवामा अब राष्ट्रिय परिचय पत्र अनिवार्य हुँदै

२

जन्मका आधारमा नागरिकता प्राप्त गर्ने अधिकार खारेज गर्न अमेरिकी राष्ट्रपति ट्रम्पको आदेश

३

सन्दीप लामिछानेलाई क्यानले कारबाही गर्‍याे, एक खेलको प्रतिबन्ध

४

लेखा समितिमा ऊर्जामन्त्री दीपक खड्कामाथि छानबिन गर्नुपर्ने माग उठ्यो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई