तरकारीमा झण्डै २१ प्रतिशत मूल्यवृद्धि, समग्र महँगी भने घट्यो

पुष ६, २०७७ सोमबार १८:०:४५ | उज्यालो सहकर्मी

काठमाण्डौ – तरकारीको मूल्य अघिल्लो वर्षको तुलनामा २० प्रतिशतभन्दा धेरैले बढेको छ । नेपाल राष्ट्र बैंकका अनुसार अघिल्लो वर्षको तुलनामा यो आर्थिक वर्षको साउनदेखि कात्तिकसम्ममा तरकारी उपसमूहको मूल्यवृद्धि २० दशमलव ८८ प्रतिशत रहेको छ ।

यस्तै गेडागुडीको मूल्य पनि १३ दशमलव ७० प्रतिशतले बढेको छ । यस्तै कात्तिकमा वार्षिक विन्दुगत थोक मूल्यवृद्धि पोहोरको भन्दा २ प्रतिशतले बढेर ९ दशमलव ४१ प्रतिशत पुगेको छ ।

चालु आर्थिक वर्षको पहिलो चार महिनामा खाद्य तथा पेय पदार्थ समूहको मूल्यवृद्धि ५ दशमलव ७३ प्रतिशत र गैर–खाद्य तथा सेवा समूहको मूल्यवृद्धि २ दशमलव ७५ प्रतिशत रहेको छ ।

समग्रमा भने पोहोरको तुलनामा यो वर्षको चार महिनामा मूल्यवृद्धि घटेको छ । पोहोर कात्तिकमा ५ दशमलव ७६ प्रतिशत मूल्यवृद्धि रहेकोमा यो वर्षको कात्तिकमा ४ दशमलव शून्य ५ प्रतिशत मात्रै मूल्यवृद्धि भएको छ ।

अन्तिम अपडेट: फागुन २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्