इजरायलमा फेरि लकडाउनको घोषणा : कक्षा ४ सम्म र ११/१२ को पढाइ हुने

पुष १०, २०७७ शुक्रबार ६:२८:१० | उज्यालो सहकर्मी

काठमाण्डाै - कोरोना भाइरसको महामारी थप फैलिन नदिन इजरायलमा पुन: लकडाउनको घोषणा गरिएको छ ।

इजरायलमा तेस्रो चरणको पूर्ण लकडाउन हुन लागेको हो । पर्सि आइतबारदेखि लागू हुने लकडाउन देशव्यापी हुने इजरायलको प्रधानमन्त्री कार्यालय र स्वास्थ्य मन्त्रालयले जारी गरेको विज्ञप्तिमा उल्लेख छ ।

तेस्रो चरणको पूर्ण लकडाउन तत्काल दुई हप्ताका लागि हुनेछ । तर आवश्यकताअनुसार लम्ब्याउन पनि सकिने विज्ञप्तिमा उल्लेख छ । लकडाउन अन्तर्गत घरदेखि एक हजार मिटरभन्दा बढी टाढा जान पाइनेछैन । एक ठाउँबाट अर्को ठाउँमा गएर बस्न पनि पाइनेछैन ।

लकडाउनका बेलामा तल्लो तहमा पूर्व प्राथमिक, कक्षा एकदेखि ४ सम्म र माथिल्लो तहमा कक्षा ११ र १२ का पढाइ मात्रै सञ्चालन गर्न दिइने भएको छ । इजरायलमा दैनिक चार हजारभन्दा बढी कोरोनाका नयाँ सङ्क्रमित थपिने गरेका छन् ।

दैनिक सङ्क्रमितको सङ्ख्या एक हजारभन्दा कम नहुँदासम्म लकडाउन कायमै रहने खबरमा उल्लेख छ । व्यावसायीक तथा व्यापारिक कार्यालयहरू बन्द हुनेछन् तर अत्यावश्यक सेवाका कार्यालय भने खुल्नेछन् । काम गर्नेहरूलाई घरबाटै काम गर्न भनिएको छ । सार्वजनिक ठाउँमा भीडभाड गर्न पाइनेछैन ।

सार्वजनिक गाडीमा आधा संख्यामा मात्रै यात्रु रहने व्यवस्था छ । इजरायलमा अहिलेसम्म तीन लाख ८६ हजारमा कोरोना सङ्क्रमण पुष्टि भएको छ । तीमध्ये तीन लाख ५४ हजार निको भएका छन् । तीन हजार एक सयभन्दा धेरैको ज्यान गएको वल्ड्रोमिटरकाे तथ्याङ्कमा उल्लेख छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्