‘एक विद्यालय एक नर्स’ कार्यक्रमका लागि ओखलढुङ्गाका पाँच विद्यालय छनाेट

पुष १४, २०७७ मंगलबार १२:५८:३६ | शिव ढुंगाना

ओखलढुङ्गा – ओखलढुङ्गाका पाँच विद्यालय 'एक विद्यालय एक नर्स' कार्यक्रममा छनाेट भएका छन् । गएकाे वर्षदेखि विद्यालयमा स्वास्थ्य परामर्श तथा सामान्य उपचारको व्यवस्थाका लागि प्रदेश सरकारले एक विद्यालय एक नर्स कार्यक्रम सुरु गरेको थियो ।

यस कार्यक्रमअन्तर्गत ओखलढुङ्गाका पाँच विद्यालय छनाेट भएका हुन् । छनाेट हुने विद्यालयमा मोलुङ गाउँपालिका १ को सरस्वती मावि बुङ्नाम, चिशङ्खुगढीको सरस्वती मावि खानीभञ्ज्याङ छन् । यस्तै सुनकोशी गाउँपालिकाको कटुञ्जे मावि, मानेभञ्ज्याङ गाउँपालिकाको हर्कपुर मावि टोक्सेल र खिजीदेम्वा गाउँपालिकाको कुण्डली मावि खिजीकाति छनाेट भएका छन् ।

प्रदेश सरकारको सामाजिक विकास मन्त्रालयले प्रत्येक विद्यालयलाई स्टाफ नर्स उपलब्ध गराउने कार्यक्रम अनुसार दोस्रो चरणमा पाँच विद्यालय छनाेटमा परेका हुन् । विद्यालयमा स्वास्थ्यसम्बन्धी परामर्श तथा प्राथमिक उपचारका लागि स्वास्थ्यकर्मी राख्न निर्देशिका निर्माण गरेर कार्यक्रम सुरु भएको प्रदेश सभाका सदस्य एवं अर्थ समितिका सभापति मोहनकुमार खड्काले बताउनुभयो ।

यसअघि लिखु गाउँपालिकाको सिंहदेवी र सिद्धिचरणको रुम्जाटारमा यो कार्यक्रम सुरु भइसकेकाे छ । विद्यालयमा स्वास्थ्यकर्मी हुँदा विद्यार्थीका स्वास्थ्य समस्या समाधान र स्वास्थ्य परामर्शका लागि सहज हुने सगरमाथा जनता माविका प्रधानाध्यापक डिल्लीराम कार्की बताउनुहुन्छ । सदरमुकामको विद्यालय यो कार्यक्रममा समेटिनुपर्ने उहाँको भनाइ छ ।

ओखलढुङ्गाका अन्य विद्यालयले पनि यस कार्यक्रम सुरु गर्न माग गरेका छन् । सदरमुकाममा रहेका र य अघि नमुना घोषणा गरिएका विद्यालयहरूमा भने यस कार्यक्रम लागू भएको छैन ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्