सुन्तला बोटमै कुहिएर झर्न थालेपछि पाँचथरका किसान मर्कामा

पुष २०, २०७७ सोमबार ८:५८:३२ | उपेन्द्र येक्तेन

पाँचथर- सुन्तला बोटमै कुहिएर झर्न थालेपछि पाँचथरका सुन्तला किसान मर्कामा परेका छन् ।

सुन्तला राम्रो उत्पादन हुने पाँचथरको रानीटार, नाङ्लपा, हाम्फाबुड, चिउरीबोटे, चकरुम्बा, माक्लुम्बालगायतका ठाउँमा करिब छ सय रोपनी जग्गामा लगाएको सुन्तलाको बोटमै कुहिएर झर्न थालेको हो । करिब एक सय घरका किसानको सुन्तला खेतीमा क्षति हुँदा छ लाख रुपैयाँ बराबरको नोक्सानी भएको किसान देवबहादुर थेबेले बताउनु भएकाे छ।

गएकाे वर्ष प्रतिकिलो एक सय रुपैयाँका दरले ४ लाख रुपैयाँको सुन्तला बिक्री गरेका थेबेले यसपटक किरा लागेर टिप्न नपाइ सबै सुन्तला झरेर नष्ट भएको बताउनुभयो । साथै “फ्रुट फ्लाइ” नामको फल कुहाउने झिँगाका कारण सुन्तला कुहिएर झरेकाे फिदिम नगरपालिका कृषि शाखा कार्यालयका प्रमुख यामबहादुर संग्रौलाले बताउनुभयो ।

उहाँकाअनुसार झिँगा जस्तो देखिने किराले पाकेको फल कुहाउने गर्छ । 'पोथी किराले फल छेडेरभित्र पसी फुल पार्ने गर्छ । फुल लार्भा भएपछि सुन्तलालगायतका फल कुहाएर क्षति गर्छ', संग्रौलाले भन्नुभयो।

फल नलाग्दै फेरेमेन ट्राप र मालाथिन नामका विषादी मिलाएर छर्किए यो किराको समस्या नहुने उहाँको भनाइ छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्