ओलीले आसपासे र कार्यकर्ताबाहेक अरूलाई सुखी पार्न नसकेकाे कांग्रेस नेता सिंहकाे टिप्पणी

माघ ८, २०७७ बिहीबार २०:३०:२९ | उज्यालो सहकर्मी

काठमाण्डाै – नेपाली कांग्रेसका नेता प्रकाशमान सिंहले प्रधानमन्त्री केपी शर्मा ओलीले आफ्नो आसेपासे र नेकपाका कार्यकर्ताबाहेक अरूलाई सुखी पार्न नसकेको टिप्पणी गर्नुभएको छ ।

प्रतिनिधि सभा विघटनको कदमविरुद्ध नेपाली कांग्रेस काठमाण्डाै महानगरपालिका ११ ले बिहीवार माइतीघर मण्डलामा आयोजना गरेको विरोध कोण सभालाई सम्बोधन गर्दै यस्ताे बताउनुभएकाे हाे ।

नेता सिंहले प्रधानमन्त्री ओलीले चुनावमा जाँदा स्थिरता दिने र आम नागरिककाे जीवनलाई सुखी पार्ने प्रतिबद्धा गरेको भए पनि आफ्नो आसेपासे र नेकपाका मान्छेबाहेक आम नागरिकलाई केही पनि दिन नसकेको दाबी गर्नुभयाे ।

नेता सिंहले प्रधानमन्त्री ओलीलाई संविधान तथा सङ्घीय कानुनअनुसार राज्य सञ्चालन गर्ने मात्रै अधिकार भएको भन्दै ओलीले भन्ने गरे जस्तो प्रतनिधि सभा विघटनको विशेषाधिकार संविधानमा नभएको बताउनुभयो । संविधान अनुरूप विधिको शासनमा नचलेकाले प्रधानमन्त्री ओली चुनाव नगराउनेतिर गएको आभास भएको उहाँको भनाइ छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्