एनसेलले कोटेश्वर-कलंकी सडकखण्डमा वृक्षारोपण गर्ने

माघ ९, २०७७ शुक्रबार ८:५९:४ | उज्यालो सहकर्मी

काठमाण्डौ - एनसेलले वन तथा भू–संरक्षण विभागसँगको सहकार्यमा कोटेश्वरदेखि कलंकी सडकखण्डको ग्रीनबेल्ट क्षेत्रमा हरियाली निर्माण तथा संरक्षण गर्ने भएको छ ।

करिब १०.२ किलोमिटर दूरी रहेको यस सडकखण्डको हरियाली विकास तथा संरक्षण गर्दै एनसेलले वातावरण संरक्षणमा योगदान पुर्याउने उद्देश्य लिएको हाे ।

एनसेलले यसअघि नै एकान्तकुनादेखि बल्खु सडकखण्डका ग्रीनबेल्ट क्षेत्रमा नमुनाका रुपमा हरियाली निर्माण गर्ने कार्य सम्पन्न गरिसकेको छ ।

ग्रीनबेल्ट क्षेत्रलाई एक उदाहरणीय हरित क्षेत्रको रुपमा विकास गरी यसको संरक्षण गर्ने उद्देश्य एनसेलले लिएको छ । यसअघि एनसेलले कोटेश्वरदेखि कलंकी सडकखण्डमा वृक्षारोपणका लागि सहयोग गरेको थियो ।

हरियाली विकासका साथै एनसेलले पाँच वर्षसम्म यो खण्डमा रहेका ६,००० भन्दा बढी रुखविरुवाको हेरचाह गर्दै ग्रीनबेल्टको संरक्षणको काम गर्ने भएको छ ।

एनसेलका प्रमुख कार्यकारी अधिकृत एन्डी चोङले सार्वजनिक तथा निजी क्षेत्रको सहकार्यमा प्रभावकारी काम गर्न सकिने बताउनु भएको छ ।

वन तथा भू–संरक्षण विभागका महानिर्देशक मनबहादुर खड्काले वृक्षारोपण गर्दै हरियाली बढाउने सरकारको अभियानअन्तर्गत रिङरोड ग्रीनबेल्ट योजना कार्यान्वयनका लागि दुई महानगरपालिकासँग समन्वयका साथै एनसेलसँग सहकार्य गर्न पाएकोमा खुसी व्यक्त गर्नुभयो ।

ललितपुर महानगरपालिकाका मेयर चिरीबाबु महर्जनले पनि यस योजनाले हाम्रो हरियाली विकास तथा वातावरण संरक्षण सम्बन्धी ग्रीन एन्ड ब्लु क्याम्पेनमा ठूलो योगदान दिने बताउनु भएको छ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्