ठेक्का लिएर अलपत्र पार्ने कञ्चनपुरका २१ कम्पनीको नाम मन्त्रालय पठाइयो

जेठ १६, २०७५ बुधबार २०:८:४० | दुर्गा उपाध्याय

कञ्चनपुर, जेठ १६ – कञ्चनपुरमा तोकिएको समयमा काम सम्पन्न नगर्ने २१ वटा आयोजनाका निर्माण कम्पनीको नाम गृह मन्त्रालय पठाइएको छ ।

जिल्ला प्रशासन कार्यालय कञ्चनपुरले तोकिएको समयमा काम पूरा नगर्ने र समय थप गर्दा पनि काम अलपत्र पारेर छोडेका २१ वटा आयोजनाका निर्माण कम्पनीको नाम मन्त्रालयमा पठाएको कञ्चनपुरका प्रमुख जिल्ला अधिकारी कुमारबहादुर खड्काले जानकारी दिनुभयो । उहाँले समयमै काम सम्पन्न नगर्ने आयोजनाहरुमा सामुदायिक सिंचाई, पुल, डिभिजन सडक र ग्रामीण यातायात रहेका बताउनुभयो ।

२१ आयोजनाहरुमध्ये १३ वटा आयोजना कामको अन्तिम अवस्थामा पुगेका छन् भने ६ वटा आयोजनाको काम ५० प्रतिशत मात्र सकिएको छ । त्यस्तै, एउटा आयोजनाले ५५ प्रतिशत र अर्को आयोजनाले ७० प्रतिशत मात्रै काम पूरा गरेको देखिएको छ ।

एउटै निर्माण कम्पनीले धेरै ठाउँमा ठेक्का लिने गरेकाले आयोजनाहरु समयमै पूरा नहुने गरेको प्रमुख जिल्ला अधिकारी खड्काले बताउनुभयो । उहाँका अनुसार महाकाली नगरपालिका अन्तर्गत पर्ने झोलुङ्गे–कुतियाकबर सडकखण्डको आगामी भदौ १ गते समय सकिने भएपनि हालसम्म १७ प्रतिशत मात्रै काम भएको छ ।

५० प्रतिशत काम मात्र पूरा गर्ने कम्पनीहरुमा महालक्ष्मी÷एम.के.वे.भी. (महाकाली नगरपालिको झोलुगे–कुतियाकबर सडकखण्डमा १७ प्रतिशत), थेगिम ज्वाला जे.भी कैलालीे (कृष्णपुरको ओदाल खोला पुल, बुडर नाइल बंक सडक र सोही ठाउँकै खार खोला पुल ३५ प्रतिशत) रहेका छन् ।

त्यसैगरी, चन्द्रशेखर मल्ल धनगढी (कालापानी सिंचाइ योजना ४६.५८ प्रतिशत), थेगिम ज्वाला/जोशी निर्माण सेवा (ब्रह्मदेव सिंचाइ योजनाको ४९ प्रतिशत), सन्तोषी÷थेगिम ज्वाला कैलाली (वाणी–देखतभूली सडक, कृष्णपुर–लालझाडी सडकको ५५ प्रतिशत) र प्राकृतिक थ्च्र शनिदेव जे.भी. (सोतिया खोला पुल बेलौरीको ७० प्रतिशत) रहेका छन् ।

तोकिएको समय पूरा हुँदा पनि थोरै काम मात्र सक्ने निर्माण कम्पनीलाई विशेष निगरानीमा राखिएको बताउँदै प्रमुख जिल्ला अधिकारी खड्काले त्यस्ता ठेकेदारलाई स्थानीय प्रशासन र केन्द्रीय निर्देशन अनुसार कारबाही गरिने बताउनुभयो ।

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्