चीनमा सन् २०२० मा झण्डै दुई खर्ब घन मिटर प्राकृतिक ग्यास उत्पादन

माघ १२, २०७७ सोमबार ६:५६:३९ | उज्यालो सहकर्मी

काठमाण्डौ - चीनले सन् २०२० मा झण्डै दुई खर्ब घन मिटर प्राकृतिक ग्यास उत्पादन गरेको छ ।

एक वर्षभित्रमा एक खर्ब ८८ अर्ब घन मिटर प्राकृतिक ग्यास उत्पादन भएको र यो अघिल्लो वर्षको तुलनामा ९ दशमलव ८ प्रतिशतले बढी रहेको चिनियाँ राष्ट्रिय तथ्याङ्क विभागले सार्वजनिक गरेको रिपोर्टमा उल्लेख छ ।

चीनले लगातार चार वर्षसम्म आफ्नो प्राकृतिक ग्यास उत्पादन परिणामलाई १० अर्ब घन मिटरभन्दा बढी पुर्याएको पनि विभागले जनाएको छ । प्राकृतिक ग्यास उत्पादनमा डिसेम्बरमा अझ बढेको देखिएको छ ।

डिसेम्बरमा मात्रै चीनले १३ दशमलव ७ अर्ब घन मिटरबाट १८ दशमलव ७ अर्ब घन मिटर प्राकृतिक ग्यास उत्पादन गरेको हो ।

चीनले सन् २०२० मा १२ करोड टन प्राकृतिक ग्यास निर्यात गरेको पनि चिनियाँ समाचार संस्था सिन्ह्वाले जनाएको छ । यो अघिल्लो वर्षको तुलनामा ५ दशमलव ३ प्रतिशतले बढी हो ।

कोइलालाई विस्थापन गर्दै वातावरणमैत्री इन्धनको प्रयोग बढाउने क्रममा चीनमा प्राकृतिक ग्यासको माग बढ्दो छ । चीनसहित अमेरिका र रूस विश्वमै प्राकृतिक ग्यास बढी प्रयोग गर्ने देशहरु हुन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्