​वृद्धभत्ताबारे बोले अर्थमन्त्री : बुवाआमाले बुझ्नुस्, अब विरामी हुँदा घरमा थन्किनु पर्दैन

 जेठ १६, २०७५ बुधबार २०:३१:३३ | अर्जुन पोख्रेल

काठमाडौं, जेठ १६ – प्रतिनिधिसभा र प्रदेशसभाको चुनावको लागि तत्कालीन एमाले र माओवादी केन्द्रले जारी गरेको संयुक्त घोषणापत्रमा ५ वर्षभित्र सामाजिक सुरक्षा भत्ता ५ हजार रुपैयाँ पुर्‍याउने उल्लेख थियो । 

वाम गठबन्धनले बहुमत ल्याएपछि सबै वृद्धवृद्धा र सामाजिक सुरक्षा भत्ता पाउने वर्गले भत्ता ५ हजार पुगिहाल्ने भयो भन्ने सोचेका थिए । तर मंगलबार जारी भएको आगामी वर्षको बजेटमा १ रुपैयाँ पनि वृद्धभत्ता बढेन बरु ७० वर्षभन्दा माथिका वृद्धवृद्धाको एक लाख रुपैयाँसम्मको  स्वास्थ्य बीमांक रकमको बीमा शुल्क सरकारले बेहोर्ने र राज्यसँगै सन्तानले पनि अनिवार्य हेरचाह गर्ने कानुन बनाइने उल्लेख भयो । 

वृद्धभत्ता नबढेपछि सामाजिक सञ्जालसहित प्रतिपक्षी नेपाली कांग्रेसले आफैले घोषणा गरेको कुरा पनि पूरा गर्न नसक्ने सरकार भनेर आलोचना गरे । आफ्नै बुहमतमा हुँदा पनि घोषणापत्रमा भएको कुरा पूरा नगर्ने सरकारले अरु काम पनि गर्न सक्दैन भन्दै आलोचना भयो । 

तर यसबारेमा अर्थमन्त्री डाक्टर युवराज खतिवडाले भने सरकारले घोषणापत्रमा उल्लेख गरेअनुसारकै योजना बनाएको दावी गर्नुभएको छ । उहाँले वृद्धभत्ता भन्दा धेरै लाभ मिल्नेगरी स्वास्थ्य विमा सुविधा ल्याएको दावी गर्नुभयो । ‘ज्येष्ठ नागरिकलाई ५ वर्षभित्र वृद्धभत्ता ५ हजार पुर्‍याउने भनेर राम्रोसँग त्यहाँ लेखिएको छ, युवराज खतिवडा आफै घोषणापत्र बनाउने काममा सहभागी थियो, त्यसैले यसलाई कसैले गलत अर्थ लगाउने चान्स नै छैन’ पत्रकार सम्मेलनमा डाक्टर खतिवडाले भन्नुभयो, ‘मैले त्यै बेलादेखि सामाजिक सुरक्षाका विभिन्न स्किम हुन्छन्,भत्ता दिने एउटा हो, बीमा गर्ने अर्को हो, आवास दिने अर्को हो, अहिले हामी बीमाको स्किमबाट अघि बढ्न थालेका छौं, भोली आवास पनि जान्छौँ ।’

उहाँले आवास र स्वास्थ्य बीमाको सुविधा भत्ता बढाए भन्दा पनि राम्रो योजना भएको दावी गर्नुभयो । ‘एक लाख रुपैयाँको स्वास्थ्य बीमा गर्दाखेरी कमसेकम ६/७ हजार त पर्दो रहेछ नै, भनेपछि हामीले ५ हजार भत्ता भनेका थियौं, ६ हजार उपचार खर्चमा बेहोर्‍यौँ भने ५ सय वा हजार रुपैयाँ त उल्टो फाइदा नै भयो नि’ खतिवडाले भन्नुभयो, ‘वृद्धवृद्धाको सबैभन्दा धेरै खर्च हुने स्वास्थ्यमा हो, त्यो हामीले बेहोर्ने भयाैँ, खानामा त कति पो खर्च हुन्छ र, अब बुवाआमाले बुझ्नुपर्‍यो कि अब तपाईँहरु विरामी हुँदा छोराछोरीले पैसा छैन भनेर बस्दैनन्, अस्पताल लगेपछि पैसा राज्यले बेहोर्छ, यसरी बुझिदिनुहोला ।’

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।  

तपाईको प्रतिक्रिया

समाचार

लोकप्रिय

१

पाकिस्तानमा धार्मिक हिंसा भड्किँदा कम्तीमा ३२ जनाको ज्यान गयो

२

नयाँ बसपार्कबाट मात्रै सार्वजनिक बस सञ्चालन गर्ने काठमाण्डौ महानगरको निर्णय कार्यान्वयन भएन

३

तीन जना निर्विरोध भएपछि अब ४१ पदको लागि उपचुनाव, काठमाण्डौको कीर्तिपुर बढी चर्चामा

४

प्रधानमन्त्री ओलीको काम नै ‘सरकार ढल्दैन’ भनेर भाषण गर्ने : विप्लव

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई