पहिरोले तीन घर बगायो, १७ घरपरिवार विस्थापित

भदौ ३, २०७५ आइतबार १९:१२:३ | पुरुषोत्तम गिरी

सल्यान – कुमाख गाउँपालिका वडा नम्बर–५, त्वालध्वारीमा पहिरो जाँदा यहाँका १७ घरपरिवार विस्थापित भएका छन् ।

केही दिन अघिदेखि लगातार परेको पानीका कारण शनिबार दिउँसो पहिरो जाँदा तीन घर पूर्ण रुपमा क्षति भएको जिल्ला प्रहरी कार्यालय सल्यानले जानकारी दिएको छ । लगातारको वर्षापछि पहिरो जाँदा स्थानीय राजकुमार पुनको ६ कोठे घर, कलौटे पुनको दुई कोठे र लोकबहादुर सुनारको घर पूर्ण रुपमा क्षति भएको सल्यानका प्रहरी प्रमुख डीएसपी वीरेन्द्रबहादुर शाहीले बताउनुभयो ।

यस्तै ६ घरधुरी पहिरोको उच्च जोखिममा रहेको प्रहरीले जनाएको छ । स्थानीय लोकेन्द्र वली, चन्द्रबहादुर बुढा, दले सार्की, गोरख बुढा, टेक बुढा र काशीराम बुढाथोकीको घर उच्च जोखिममा रहेको प्रहरीले जनाएको छ । यस्तै सोही ठाँउको ८ घरधुरी पनि पहिरोको जोखिममा रहेको डीएसपि शाहीले जानकारी दिनुभयो ।

घर माथिबाट आएको पहिरोले १७ घरपरिवार विस्तापित भएको र विस्थापित घरपरिवारहरु अहिले त्यसै ठाउँको नजिकै रहेको मिलमा आश्रय लिएर बस्न बाध्य भएका छन् । घरमा बस्न नमिल्ने भएपछि सुरक्षाका लागि मिलमा बास बस्नु परेको स्थानीय दले सार्कीले बताउनुभयो ।

प्रहरीका अनुसार पहिरोका कारण झण्डै एक सयजना नागरिक प्रभावित भएका छन् । घर माथिबाट आएको पहिरोले तीनवटा घर पूर्ण रुपमा क्षति भए पनि दिउँसोको समय भएकाले केही पशुचौपाय मरेको र मानवीय क्षति भने नभएको बताइएको छ ।

यस्तै कुमाख गाउँपालिका वडा नम्बर–३, जोगनीमा रहेको बाल जागृत आधारभूत विद्यालयको तीनकोठे शौचालय पनि पहिरोका कारण पूर्ण रुपमा क्षति भएको छ । प्रहरीका अनुसार अन्नपात, नगद र जिन्सी समान गरी झण्डै १५ लाख बराबरको क्षति भएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्