गाउँपालिकाको मनपरि : स्थायी कर्मचारी करारमा नियुक्त

भदौ ४, २०७५ सोमबार १९:५:० | सुमन तिमल्सिना

मोरङ – बुढीगंगा गाउँपालिकाले स्थायी कर्मचारीलाई करारमा नियुक्त गर्ने निर्णय गरेको छ ।

जिल्ला शिक्षा कार्यालय हुँदा काजमा बुढीगंगा गाउँपालिकामा खटाइएका श्रोत शिक्षक इञ्जकुमार बास्तोलालाई शिक्षा विभागले शिक्षा विकास तथा समन्वय इकाईमा फिर्ता बोलाएपछि उनलाई गाउँपालिकाले करारमा राख्ने निर्णय गरेको हो । गाउँपालिकाको साउन २९ गते बसेको बोर्ड बैठकले बास्तोलालाई सेवा करारमा नियुक्त गर्ने निर्णय गरेको छ ।

गाउँपालिकाको निर्णयमा भनिएको छ, ‘यस गाउँपालिकाको श्रोत केन्द्रमा श्रोत व्यक्तिको रुपमा कार्यरत श्रोत व्यक्ति इञ्जकुमार बास्तोलाको सम्बन्धमा शिक्षा विकास तथा समन्वय इकाईबाट विभिन्न व्यहोराको बोधार्थ पत्रहरु प्राप्त भएको विषयमा छलफल गर्दा निज व्यक्ति गाउँ शिक्षा समितिको सदस्य सचिवमा कार्यरत रहेको तथा निजको कार्य सेवा यस गाउँपालिकालाई अति आवश्यक रहेकोले शिक्षकको कार्यसम्पादन, मूल्याङ्कन एवम् विद्यालय निरीक्षक सुपरिवेक्षक कार्यका लागि निरन्तरता दिन यसै गाउँपालिकाको श्रोत व्यक्तिको रुपमा काम काजमा लगाउने र सम्बन्धित निकायलाई यसको जानकारी गराउने निर्णय गरियो । साथै गाउँपालिकाको अध्यक्षबाट सेवा करार गराउने निर्णय गरियो ।’

यसरी गाउँपालिकामा गरिएको निर्णय शिक्षा विकास तथा समन्वय इकाईमा पनि पठाइएको छ । अनि गाउँपालिकाले इञ्जकुमार बास्तोलालाई समेत जानकारीको पत्र पठाएको छ । बास्तोलाले भने यसरी जानकारी आएपछि खुशी व्यक्त गरेका छन् । बास्तोलाले संघीयता लागू भएको हो कि जस्तो लागेको जस्तो भएको बताएका छन् ।

बास्तोलाले भने, हामी पहिला पनि शिक्षा विकास तथा समन्वय इकईमा हाजिर गर्थ्यौ, अहिले पनि गरि नै रहेका छौं । तर मेरो काज फिर्ता गर्ने बारेमा विभागले निर्णय गरेपछि गाउँपालिकाले सेवा करारमा नियुक्त गर्ने भन्ने पत्रको जानकारी मलाई प्राप्त भएको छ ।’

उनले गाउँपालिकाले सेवा करार गरे जिल्लामा हुँदा शिक्षा विकास तथा समन्वय इकाईमा र गाउँतिर घुम्न जाँदा गाउँपालिकामा हाजिर गर्ने बताएका छन् ।
गाउँपालिकाको पत्रले शिक्षा कार्यालय अन्योलमा शिक्षा विकास तथा समन्वय इकाईमा बास्तोलाले साउन १ र २ गते त्यस्तै २५ र २९ गते मात्र हाजिर गरेको देखिन्छ ।

उनले भदौमा भने १, २ र ३ गते हाजिर गरेका छन् । बास्तोलालाई २०५२ सालमा विद्यालय र शिक्षा कार्यालयको समन्वयको रुपमा काम गर्न नियुक्त गरेको शिक्षा विकास तथा समन्वय इकाईले जनाएको छ ।

यसरी राखिएको श्रोत शिक्षकले विद्यालयको निरीक्षण, अनुगमन, विद्यालय र शिक्षा कार्यालयको पुलको काम गर्नु पर्ने जिम्मेवारी हुने शिक्षा विकास तथा समन्वय इकाईका प्रमुख राजकुमार थापाले बताए ।

उनले अहिले स्थानीय तह कार्यान्वयनमा जाँदा पनि आफूहरुको भूमिका परिवर्तन नभएको बताए । जिल्लामा सही गरेर हिँड्ने श्रोत शिक्षकहरु कहाँ गएर के काम गर्छन् भन्ने बारेमा जिल्ला शिक्षा तथा समन्वय इकाई नै अन्यौलमा छ ।

उनले गाउँपालिकाबाट सेवा करार सम्बन्धी पत्रको बारेमा शिक्षा विभागमा जानकारी गराइने बताए । यस बारेमा जानकारी लिन गाउँपालिकाका अध्यक्ष बालचन्द माझीलाई फोन गर्दा उनले फोन उठाएनन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्