बारा : हाेली खेल्ने क्रममा कपडा च्यातेकाे विषयमा झडप हुँदा एक जनाकाे ज्यान गयाे

चैत १७, २०७७ मंगलबार १४:२४:२८ | जयनारायण यादव

बारा – बारामा होली खेल्ने क्रममा साेमवार साँझ विवाद हुँदा झडपका क्रममा एक जनाकाे ज्यान गएको छ । झडपमा अन्य छ जना घाइते भएका छन । कलैया उपमहानगरपालिका २३ की सन्जा देवीको ज्यान गएको प्रहरी नायब उपरीक्षक (डीएसपी) गौतम मिश्रले जानकारी दिनुभयाे ।

झडपमा स्थानीयवासी रामदेव साह, गिर्जा देवी, रामप्रसाद साह, अम्बिका साह, बिन्देश्वर साह र राजेश साह घाइते भएको प्रहरीले जनाएको छ । घटनामा संलग्न रहेको आरोपमा चार जनालाई पक्राउ गरिएकाे डीएसपी मिश्रले जानकारी गराउनुभयो ।

घटनामा ज्यान गुमाएकी महिलाको शरीरमा चोटपटक नदेखिएकोले शव परीक्षणको रिपोर्ट आएपछि मृत्युको कारण खुल्ने प्रहरीले जनाएको छ । दुई पक्षबीच कपडा च्यातेको विषयमा भएकाे विवादमा एक पक्षका महिलाको ज्यान गएकाे र अर्को पक्षको छ जना घाइते भएको डीएसपी मिश्रले बताउनुभयाे ।

मृतककाे शव परीक्षणका लागि वीरगञ्जमा रहेकाे नारायणी उपक्षेत्रीय अस्पतालमा लगिएकाे छ ।

अन्तिम अपडेट: मंसिर २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्