'रसायनिक मल अभावको समस्या अब छिट्टै समाधान हुन्छ' : कृषि मन्त्री खनाल

भदौ ८, २०७५ शुक्रबार १०:४२:३७ | गोपाल भण्डारी

कपिलवस्तु – कृषकहरुलाई अति आवश्यक पर्ने रसायनिक मदखाद अभावको समस्या यसै साता पूरा हुने कृषि तथा पशुपंक्षी विकास मन्त्री चक्रपाणी खनालले बताउनु भएको छ ।

गृह जिल्ला कपिलवस्तु पुग्नु भएका मन्त्री खनाललाई कपिलवस्तु बाल संगठनले तौलिहवामा आयोजना गरेको अभिनन्दन कार्यक्रममा मन्त्री खनालले मलखाद ढुवानीमा केही प्राविधिक समस्या भएका कारण मलखाद आपूर्तिमा समस्या भएको र यो समस्या यसै साता समाधान हुने बताउनु भयो ।

सीमा क्षेत्रमा भारतले निर्माण गरेको बाधका कारण नेपाली कृषकहरुले भोग्नु परेको समस्या बारे संचारकर्मीहरुले सोधेको प्रश्नमा मन्त्री खनालले यो वर्षौदेखिको डुबान समस्या र सीमाका अन्य समस्या समाधान गर्नका लागि दुवै देशका तर्फबाट एउटा बार्ता टोली निर्माण गरी सरकार अघि बढेको बताउनुभयो ।

यो विषयमा संघीय संसद र मन्त्रीपरिषदमा पनि पटक पटक आवाज उठिरहेको र यसको समाधानका लागि सरकार गम्भीर रहेको बताउनुभयो ।

नेपाल भारत दुई देशका सीमावर्तीं क्षेत्रमा देखिने समस्याले दुई देशको सम्बन्ध बिगार्ने बताउँदै मन्त्री खनालले यस्ता समस्या समाधानका लागि निरन्तर रुपमा दुई देशबीच वार्ता र संवाद आवश्यक रहेको बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्