अरुण तेस्रोको सुरुङभित्र ढुङ्गा खस्दा एक जनाको ज्यान गयो, एक जना घाइते

वैशाख २९, २०७८ बुधबार २०:२४:२३ | नवीन गुरुङ

सङ्खुवासभा – चिचिला गाउँपालिका ३ पुखुवामा निर्माणाधीन अरुण तेस्रो जलविद्युत् आयोजनाको सुरुङभित्र ढुङ्गा खस्दा एक कामदारको ज्यान गएको छ । ज्यान गुमाउनेमा शुक्लाफाँट नगरपालिका १२ कन्चनपुरका ३७ वर्षीय कृष्ण राना रहेको जिल्ला प्रहरी कार्यालय सङ्खुवासभाका प्रहरी नायब उपरीक्षक (डीएसपी) नवराज मल्लले बताउनुभयो ।

बुधवार बिहान ८ः३० बजेको समयमा सुरुङभित्र काम गर्ने क्रममा ढुङ्गा (लुज) खस्दा रानाको घटनास्थलमै ज्यान गएको प्रहरीको भनाइ छ । त्यही ढुङ्गाले लाग्दा अर्का कामदार ५० वर्षीय मिठु राना घाइते हुनुभएको छ । घाइतेलाई उपचारका लागि जिल्ला अस्पताल खाँदबारी पठाइएको प्रहरीले जनाएको छ ।

नौ सय मेगावाट क्षमताको अरुण तेस्रोमा नेपाल र भारतका गरी तीन हजारभन्दा बढी कामदार कार्यरत छन् । अहिले अरुण तेस्रोको पावार हाउसको निर्माण भइरहेको छ । त्यहाँ पटेल इन्जिनियरिङ कम्पनीले काम गरिरहेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अरुण तेस्रोको सुरुङभित्र ढुङ्गा खस्दा एक जनाको ज्यान गयो, एक जना घाइते

अरुण तेस्रो पावर हाउस, पुखुवा । तस्बिर : नवीन गुरुङ/उज्यालो

तपाईको प्रतिक्रिया