कर्णाली प्रदेशले सबै जिल्लामा एकीकृत सम्पर्क कार्यालय स्थापना गर्ने

भदौ ९, २०७५ शनिबार १८:५:६ | मुना हमाल

सुर्खेत – कर्णाली प्रदेश सरकारले प्रदेशका सबै जिल्लामा एकीकृत सम्पर्क कार्यालय स्थापना गर्ने भएको छ ।

शनिबार बसेको मन्त्रिपरिषद्को बैठकले कर्णाली प्रदेशका सबै मन्त्रालयका आ–आफ्ना एकीकृत सम्पर्क कार्यालय स्थापना गर्ने निर्णय गरेको हो । सरकारले आफ्नो मातहतमा कार्यालय नहुँदा विकास निर्माणका कामहरुमा प्रभावित भएको भन्दै कर्णाली प्रदेशका सबै जिल्लामा एकीकृत सम्पर्क कार्यालय स्थापना गर्ने निर्णय गरेको सरकारका प्रवक्ता एव्म भूमि व्यवस्था, कृषि तथा सहकारी मन्त्री बिमला केसीले जानकारी दिनुभयो ।

‘हामीले विकास निर्माण र सेवा प्रवाहलाई प्रभावकारी बनाउन जिल्लामा सबै मन्त्रालयका आ–आफ्ना कार्यालय स्थापना गर्ने निर्णय गरेका छौँ’, उहाँले भन्नभयो, ‘पहिले संरचना नहुँदा हामीले भने अनुसार बजेट कार्यान्वयन गर्न पाएनौँ । अब हामीले बजेट तुरुन्तै कार्यान्वयन गर्नुपर्छ । यति हामीले छिट्टै कार्यान्वयन गर्न सकेनाैं भने विकासमा हामीले जुन उद्देश्यले राखेका छाँै, त्यो पूरा हुन सक्दैन् । त्यसैले हामीले जिल्लामा कार्यालय स्थापना गर्ने निर्णय गरेको हौँ ।’

उहाँले सबै केन्द्रबाट आएको संरचना प्रदेशको मातहतमा आएको भन्दै अब जिल्लामा कार्यालय स्थापना गर्न लागिएको बताउनुभयो ।

कर्णाली प्रदेशको मन्त्रिपरिषदको बैैठक पेपरलेस

कर्णाली प्रदेश सरकारको पहिलो पटक पेपरलेस मन्त्रिपरिषदको बैठक बसेको छ । शनिबार काजगको प्रयोग नै नगरी विद्युतीय बैठक प्रणाली अबलम्बन गर्ने उद्देश्यले मन्त्रिपरिषदको बैठक बसेको हो ।

कर्णाली प्रदेशलाई डिजिटल प्रदेश गराउने उद्देश्यले नै मन्त्रिपरिषद बैठकबाट नै सुरुवात गरेको सरकारी प्रवक्ता एव्म भूमि व्यवस्था, कृषि तथा सहकारी मन्त्री बिमला केसीले बताउनुभयो ।

‘हामीले कर्णाली प्रदेशलाई डिजिटल प्रदेश गराउँछौँ भनेर लागेको छाँै’, उहाँले भन्नुभयो, ‘यसलाई हामीले अब बिस्तारै अन्य कार्यालय र मन्त्रालयहरुमा पनि विस्तार गछौँ ।’

उहाँले सबै मन्त्रालयहरुमा सीसीटीभी क्यामेरा जडान गर्ने योजना सरकारको रहेको बताउनुभयो । कर्मचारीहरुले काम गरेकोलाई अनुगमन गर्नका लागि सबै मन्त्रालयमा सीसीटीभी क्यामेरा जोड्न लागिएको उहाँको भनाई थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्