तुम्लिङटारमा बुद्ध एअरको ७२ सिटे जहाजको परीक्षण उडान

जेठ २१, २०७८ शुक्रबार १९:५२:३८ | नवीन गुरुङ

सङ्खुवासभा – पूर्वी पहाडी जिल्ला सङ्खुवासभाको एकमात्र विमानस्थल तुम्लिङटार विमानस्थलमा शुक्रवार बुद्ध एयरको एटीआर–७२ जहाजले परीक्षण उडान गरेको छ ।

खाँदबारी नगरपालिका ९ मा रहेको तुम्लिङटार विमानस्थलमा ७२ सिट क्षमताको बुद्ध एअरको जहाजले परीक्षण उडान गरेको बुद्ध एअर तुम्लिङटार कार्यालयका कर्मचारी राजीव पोख्रेलले बताउनुभयो । परीक्षण उडानमा क्याप्टेन रञ्जनकुमार शर्मा, नागरिक उड्डयन प्राधिकरणका पदाधिकारी उपनिर्देशक जनरल भोलाप्रसाद गुरागाईँ, फ्लाइट इन्सपेक्टर क्याप्टेन दधिराम निरौलासहितको टोली शुक्रवार जहाजमा आएका थिए ।

यस विज्ञ टोलीले परीक्षण उडाउन सफल भए/नभएको बारेमा एक हप्तापछि प्रतिवेदन प्राप्त हुने र सफल भए त्यसपछि चाँडै नियमित उडान सुरु हुने पोख्रेलको भनाइ छ ।

तुम्लिङटारमा १८ सिट क्षमताको बुद्धको जहाजले नियमित रूपमा उडान भर्दै आएको छ । जिल्लाको एकमात्रै विमानस्थल तुम्लिङटार छिमेकी जिल्ला भोजपुरका आधा भागको समेत केन्द्र हो । यहाँ बुद्धका साथै यती एअरले समेत दैनिक तुम्लिङटार—काठमाण्डौ उडान भर्दै आएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तुम्लिङटारमा बुद्ध एअरको ७२ सिटे जहाजको परीक्षण उडान

तुम्लिङटारमा परीक्षण उडानका लागि आएको बुद्ध एअरको एटीआर–७२ जहाज । तस्विर— नवीन गुरुङ/उज्यालो )

तपाईको प्रतिक्रिया