विषमलाई लेखनाथ पौडयाल पुरस्कार

भदौ ११, २०७५ सोमबार १८:४५:३७ | उज्यालो सहकर्मी

काठमाडौं – यस वर्षको लेखनाथ पौडयाल पुरस्कार साहित्यकार गणेश विषमलाई प्रदान गरिएको छ ।

१४ औं त्रिमूर्ति दिवसको अवसर पारेर सोमबार वरिष्ठ संस्कृतिविद् सत्यमोहन जोशीले साहित्यकार विषमलाई यस वर्षको लेखनाथ पौडयाल पुरस्कार प्रदान गर्नु भएको हो । एक लाख नगदसहितको यो पुरस्कार त्रिमूर्ति निकेतनले हरेक वर्ष नेपाली भाषा, साहित्य र संस्कृतिको क्षेत्रमा योगदान दिँदै आएका एक जनालाई प्रदान गर्दै आएको छ ।

कार्यक्रममा चिरिबाबु महर्जन, लक्ष्मीदास मानान्धर र सुजीव बज्राचार्यलाई ‘सत्यमोहन जोशी शताब्दी पदक’ प्रदान गरिएको छ । त्यस अवसरमा संस्कृतिविद् जोशीले नेपाली भाषा र साहित्यको प्रतिष्ठा र गरिमाको श्रीवृद्धिमा जनस्तरबाटै काम हुँदै आएको उल्लेख गर्दै खुसी व्यक्त गर्नुभयो ।

कार्यक्रममा रोल्पाकी गायत्री घर्तीमगरको ‘एक भूल’ र नरेन्द्रराज प्रसाईँको ‘विद्रोही प्राज्ञ प्रेमा शाहको जीवनी’ समेटिएको पुस्तक पनि विमोचन गरिएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्