गुल्मीमा तीन सातादेखि हराइरहेका वृद्धकाे शव फेला पर्याे

भदौ १२, २०७५ मंगलबार १७:३८:९ | जनार्दन घिमिरे

गुल्मी – गुल्मीमा गएको तीन सातादेखि हराइरहेका एक वृद्धकाे मंगलबार सडेकाे शव फेला परेकाे छ ।

गएको साउन २२ गते कसैलाई पनि जानकारी नदिई सुटुक्क घरबाट निस्केका गुल्मी चन्द्रकोट गाउँपालिका–३, हर्राचौरका ७२ वर्षीय पदमबहादुर थापाको शव त्यसै वडाको गरगरे भन्ने ठाउँमा फेला परेको जिल्ला प्रहरी कार्यालय गुल्मीले जनाएको छ ।

घरबाट अचानक निस्केपछि एकाएक हराई रहेका थापाको खोजी कार्यका लागि उनका आफन्तहरुले स्थानीय प्रहरीमा निवेदन दिएका थिए ।

लामो समयसम्म पनि प्रहरी र स्थानीयबासीले थापाको खोजी कार्य गर्दै जाने क्रममा सोमबार अपरान्ह जंगलमा सडेको अवस्थामा शव फेला परेको जिल्ला प्रहरी कार्यालय गुल्मीका प्रहरी नायव उपरीक्षक रोशन खड्काले बताउनुभयो ।

स्थानीय जंगलमा दुर्गन्ध फैलिएपछि खोजी गर्दै जाने क्रममा निक्कै नै सडेको अवस्थामा शव फेला परेको हो ।

फेला परेको शव थापाको नै भएको उनका आफन्तहरुले पुष्टि गरेका छन् । घटनाको थप अनुसन्धानका लागि जिल्ला प्रहरी कार्यालय गुल्मीले प्रहरी सहायक निरीक्षकको नेतृत्वमा एक टोली मंगलबार नै घटनास्थलतर्फ पठाइसकेएको प्रनाउ खड्काले जानकारी दिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्