एक हजार करोडको ‘महाभारत’मा आमिर खानले प्रभासलाई राखे प्रस्ताव

भदौ १२, २०७५ मंगलबार १८:२८:५४ | एजेन्सी

अभिनेता आमिर खानले फिल्म ‘ठग्स अफ् हिन्दोस्तान’ को छायाँकंन पूरा गरेका छन । अहिले पोष्ट प्रोडक्सनको काम सुरु भएको छ भने यो फिल्म यस वर्षको दिपावलीमा प्रदर्शन हुनेछ ।

यस फिल्मपछि आमिर खानले उनको ड्रिम प्रोजेक्ट ‘महाभारत’ को काम सुरु गर्नेछन् ।

आमिर खानले यस फिल्म निर्माणका लागि रिलायन्स एन्टरटेनमेन्टसँग सहकार्य गरेका छन् । उनलाई यो फिल्म निर्माणका लागि एक हजार करोडको बजेट दिइएको छ । यो फिल्मका लागि भारतीय व्यापारी मुकेश अम्बानीले लगानी गर्नेछन । महाभारतलाई ३ वटा भागमा निर्माण गरिनेछ ।

मंगलबार सार्वजनिक भएका खबरहरुका अनुसार आमिर खान यस फिल्मका लागि कलाकारहरुको छनौटमा लागिसकेका छन । आमिरले ‘महाभारत’ को मुख्य भूमिकाको लागि अप्रोच गरेका छन । प्रभासलाई ‘महाभारत’ मा अर्जुनको भूमिकाको लागि प्रस्ताव राखिएको छ ।

यसअघि प्रभासलाई निर्देशक करण जोहरले पनि बलिउड फिल्मका लागि प्रस्ताव राखेका थिए तर प्रभासले जोहरको प्रस्तावलाई अस्वीकार गरिदिएका थिए । अब आमिरको यस प्रस्तावलाई प्रभासले स्वीकार्ने छन् वा छैनन् त्यो पछि नै थाहा हुनेछ ।

प्रभासका साथै आमिर खान ‘बाहुबली’ का निर्देशक एसएस राजामौलीले नै ‘महाभारत’ को निर्देशन गरुन भन्ने पनि चाहन्छन् । यसअघि एसएस राजामौलीले समेत आफूलाई महाभारतमा आधारित फिल्म बनाउने चाहना भएको बताएका थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्