महामारीको तेस्रो लहरबाट बाहिरिएको कुवेतको दाबी

साउन ३२, २०७८ सोमबार १२:५५:२ | उज्यालो सहकर्मी

काठमाण्डौ – कुवेतले आफू महामारीको तेस्रो लहरबाट बाहिरिएको जनाएको छ ।

त्यहाँको स्वास्थ्य मन्त्रालयको कोभिड १९ समितिका सदस्य डाक्टर खलेद अल सइदले देशमा खोप अभियानको सफलतासँगै कोरोनाको सम्भावित तेस्रो लहरबाट देश बाहिरिएको बताउनुभएको हो ।

कुवेतमा रहेका २६ लाख ६८ हजार मानिसले कोरोना विरुद्धको खोपको कम्तिमा एक डोज लगाइसकेको सइदको भनाइलाई उद्धृत गर्दै गल्फ न्युजले लेखेको छ । खोप लगाउनको लागि योग्य ६८ प्रतिशत भन्दा बढीले खोप लगाइसकेको बताइएको छ ।

कुवेतले १२ वर्ष उमेर माथिका सबै नागरिकलाई खोप लगाउन योग्यको सूचीमा राखेको छ । कुवेतमा पछिल्लो समय कोरोना संक्रमण दर घट्दै गएको छ । गएको शनिबार कुवेतमा आठ महिना यताकै कम संक्रमित अर्थात् तीन सय ७५ जनामा संक्रमण पुष्टि भएको जनाएको छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्