सडक स्तराेन्नतिकाे माग गर्दै राजविराज नगरपालिकाका मेयरलाई ज्ञापन पत्र

असोज १४, २०७८ बिहीबार २०:१०:५६ | शुभनारायण यादव

सप्तरी – सप्तरीको राजविराज नगरपालिका क्षेत्रका सडककाे स्तराेन्नतिकाे माग गर्दै राष्ट्रिय एकता अभियानले मेयरलाई ज्ञापन पत्र बुझाएकाे छ ।

अभियानकी उपाध्यक्ष सुनिता साह र सदस्य रमिला साहलगायतले राजविराज नगरपालिकाका मेयर शम्भुप्रसाद यादवलाई ज्ञापन पत्र बुझाएका हुन् । ज्ञापन पत्रमा १६ वटै वडामा रहेका हिलाम्मे सडकको तुरुन्त मर्मत, गुणस्तरहीन कामको अनुगमन गरी त्यस्तो काम गर्ने ठेकेदार/उपभोक्ता समितिलाई कारबाही र विभिन्न ठाउँमा थुपारिएका फोहर उठाउन माग गरिएको छ ।

यसैगरी वडा–वडामा आवश्यक्ताअनुसार सडक निर्माण गर्न र हिंसा पीडित महिलाहरूका लागि न्यायिक समितिमार्फत तत्काल न्याय दिने व्यवस्था मिलाउन पनि ज्ञापन पत्रमा माग गरिएको छ।

‘राजविराज नगरपालिका नेपालको पुरानो नगरपालिकामध्ये एक हो । यहाँ सेवा लिन विभिन्न ठाउँबाट मानिसहरू आउने गरेका छन् । तर, नगरपालिकाको प्रवेशद्वारदेखि नै सडकको अवस्था चिन्ताजनक छ’, ज्ञापन पत्रमा उल्लेख गरिएको छ, ‘जनप्रतिनिध निर्वाचित भएको चार वर्ष पूरा हुन लागेको छ । तर नगरपालिकाको विकास नहुनु दुखःद विषय हो । नगरपालिकाको १६ वटै वडाको सडक पैदल हिँड्न पनि लायक छैन । केही ठाउँमा आरसीसी ढलान र कलोपत्र सडक देखिए पनि गुणस्तरहीन भएको जनगुनासो छ । हिलाम्मे, फोहर र दुर्गन्धित सडकमा हिँड्नु पर्दा स्थानीवासी आजित छन् । तसर्थ तत्काल यसको व्यवस्थापनमा ध्यान दिइयोस् ।’

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्