नेपालसहित विश्वका सयभन्दा धेरै देश वन विनाश रोक्न सहमत

कात्तिक १७, २०७८ बुधबार ७:५०:३० | उज्यालो सहकर्मी

काठमाण्डाै - विश्वका एक सयभन्दा धेरै देशले सन् २०३० भित्रमा वन विनाश रोक्ने सहमतिपत्रमा हस्ताक्षर गरेका छन् ।

नेपालसहित अमेरिका, बेलायत, क्यानडा, ब्राजिल, रुस, चीन, इन्डोनेसिया, पाकिस्तान, कङ्गोलगायतले सम्झौतामा हस्ताक्षर गरेका हुन् । कार्बनडाइअक्साइड कटौतीका लागि महत्त्वपूर्ण भूमिका रहेका रुख काटिँदा जलवायु परिवर्तनमा सहयोग पुग्ने गरेको छ ।

जलवायु सम्मेलन कोप–२६ मा भएको महत्त्वपूर्ण सम्झौतामा वन संरक्षण तथा पुनर्स्थापना लागि थप वित्तीय लगानीको वाचा समेत गरिएको छ । वाचा कार्यान्वयनमा ल्याउन खर्च हुने १९ दशमलव २ अर्ब डलर सार्वजनिक तथा निजी कोषबाट समाविष्ट हुनेछ ।

केही रकम वन क्षेत्र पुरानो अवस्थामा फर्काउन, डढेलो न्यूनीकरण गर्न र स्थानीय आदिवासी समुदायलाई सघाउनका लागि खर्च गरिनेछ । बेलायतका प्रधानमन्त्री बोरिस जोन्सनले सम्मेलनमा सम्बोधन गर्दै पृथ्वीमा रहेको वन जोगाउन महत्त्वपूर्ण सहमति भएको बताउनुभयो ।

स्कटल्यान्डकाे ग्लास्गोमा भइरहेको जलवायु सम्मेलन कोप–२६ मा अमेरिका, युरोपियन युनियन, बेलायतलगायत विश्वका ८० भन्दा धेरै देशले सन् २०३० भित्रमा मिथेन ग्याँसको उत्सर्जनलाई ३० प्रतिशत कटौती गर्ने प्रतिज्ञामा समेत हस्ताक्षर गरेका छन् ।

विश्वको तापमान वृद्धिलाई एक दशमलव पाँच डिग्री सेल्सियसमा झार्नको लागि मिथेनको उत्सर्जन घटाउन यो सहमति भएको युरोपेली आयोगका प्रमुख उर्सुला फोन डेर लेयेनले बताउनुभयो।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्