छठबाट शुद्धताको पाठ सिकौँ, सुरक्षित भएर छठ मनाऔँ

कात्तिक २४, २०७८ बुधबार १२:४२:६ | डा. जामुन प्रसाद सिंह

मेरो पहिलो आग्रह गएको वर्ष जसरी पहिले हामीले घरमै छठ पर्व मनाएका थियाैँ त्यसरी नै छठ मनाऔँ।

यदि कसैले घाट बनाएर त्यहाँ सिङ्गारपटार गरिसकेको छ भने घरको कमभन्दा कम व्यक्ति त्यहाँ गएर विधि गरी छिटोभन्दा छिटो ठाउँलाई खाली गरेर पूजा गर्दा राम्रो हुन्छ । घरमा अथवा घाटमा जहाँ गरे पनि सर्जिकल मास्क लगाएर जानु पर्छ।

छठ पर्व भनेकै शुद्धताको पर्व हो । कोभिडले शुद्धता खोज्छ । हामी घरबाट जलाशयमा जानुभन्दा अघि साबुनपानीले हात धोएर जाने, नभए स्यानिटाइजर हातमा लगाएर तथा मास्क लगाएर जानुपर्छ।

छठ पर्व जलाशयमा मनाइने हुँदा पानीको कमी हुँदैन । त्यसकारण एउटा साबुन लिएर जाने र सकभर घाटमा धेरै समय नबस्ने र बस्नै परे पनि आधा घण्टाको फरकमा साबुन पानीले हात धुने गरौँ । सकेसम्म अलि टाढै बसौँ। भौतिक दूरी कायम गरौँ।

घाटबाट फर्कँदा पनि मास्क नफुकालिकन तथा साबुन पानीले हात धोएर मात्र फर्कौँ । छठ पर्वको शुद्धतालाई यी कुरामा ध्यान दिने हो भने कोभिड सर्नबाट जोगिन सकिन्छ । कम गर्न सकिन्छ ।

छठ पर्वका लागि बजारबाट किनेर ल्याएको सामान छठ पर्वको नियम अनुसार नै धुनुपर्ने हुन्छ । उखु तथा अदुवाको बोटदेखि लिएर छठ पर्वको लागि किनेर ल्याउने सम्पूर्ण सामान शुद्ध बनाउनका लागि धुनु पर्छ । छठ पर्वका लागि तयार पारिएका मिठाईलाई पनि २४ देखि ४८ घण्टासम्म अलग गरेर राख्यो भने त्यसमा कोभिडको किटाणु छ भने पनि आफैँ हराएर जान्छ ।

यसकारण हामीले बजारबाट ल्याएको सामान सफासँग धोऔँ । र, सकिन्छ भने त्यसलाई एकछिन घाममा पनि सुकाऔँ ।

छठमा अशुद्ध, नधोएको, नपखालेको, ननुहाइकन छोएको कुनै पनि कुरा चल्दैन । छठको सामान राखेको कोठामा छिर्दा पनि हात खुट्टा धोएर मात्र छिर्ने गर्छौँ। छठबाट हामी शुद्धताको पाठ सिकौँ ।

शुद्धता भन्ने बित्तिकै साबुनपानीबाट सुरु हुन्छ । साबुन पानी र हाम्रो बुद्धिको मात्र हामीले प्रयोग गर्ने हो भने कोरोना मात्रै होइन, सयौँभन्दा बढी किसिमका सरुवा रोगहरु हाम्रो परिवारमा रहँदैन ।

जण्डिस, टाइफाइड तथा अन्य धेरै सरुवा रोगहरु छन् । छठ पर्वमा जस्तो शुद्धतालाई र शुद्ध हुने कुरालाई ध्यानमा राख्याैँ यस्ताे सरुवा रोगहरुलाई कसरी भगाउने भन्ने ज्ञान प्राप्त गर्न सकिन्छ ।

(डा.सिंहसँग गरिएको कुराकानीमा आधारित कोरोना क्याप्सुल सुन्नुहोस्।)

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डा. जामुन प्रसाद सिंह

डा. जामुन प्रसाद सिंह जनकपुरको मधेश स्वास्थ्य विज्ञान प्रतिष्ठानका कोभिड युनिट प्रमुख हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्