फ्रान्समा नयाँ वर्षकाे अवसरमा ८ सय ७२ वटा कार जलाइयाे

पुष १८, २०७८ आइतबार २०:१४:२५ | एजेन्सी

काठमाण्डाै – फ्रान्समा अङ्ग्रेजी नयाँ वर्षकाे अवसरमा आयाेजित कार्यक्रममा एक पटक फेरि कारहरू जलाइएकाे घटना सार्वजनिक भएकाे छ ।

यस वर्ष ८ सय ७४ वटा कार जलाइएकाे प्रहरी विभागले जानकारी दिएकाे छ । फ्रान्सकाे गृह मन्त्रालयले याे सङ्ख्या सन् २०१९ काे तुलनामा निकै कम रहेकाे बताएकाे छ । सन् २०१९ मा एक हजार तीन सय १६ वटा कार जलाइएकाे थियाे । सङ्ख्या घट्नुमा प्रहरीकाे बाक्लाे उपस्थितिलाई कारण मानिएकाे छ । सन् २०२० मा देशव्यापी लकडाउनका कारण कतै कार जलाइएकाे खबर सार्वजनिक भएकाे थिएन ।

यस पटक नयाँ वर्षकाे अवसरमा ९५ हजार सङ्ख्यामा प्रहरी तैनाथ गरिएकाे थियाे । फ्रान्सेली सञ्चारमाध्यमका अनुसार ३२ हजार दमकलका चालक र सुरक्षाकर्मी पनि तैनाथ गरिएकाे थियाे ।

कार जलाउनु एक सामान्य घटना

कैयाैँ देशमा जस्तै फ्रान्समा विभिन्न कारणबाट बर्सेनि कारमा आगाे लगाइन्छ, यस्ताे गर्नेमा अपराध गर्ने र झुटाे बीमा दाबी गर्नेहरू हुन्छन् ।

तर फ्रान्समा नयाँ वर्षकाे आगमनलाई चिनाउन कारमा आगाे लगाउने नयाँ तरिका बनेकाे छ । याे प्रथा सन् १९९० काे दशकमा पूर्वी फ्रान्सकाे स्ट्रासबर्ग नजिककाे क्षेत्रमा युवाहरू (विशेषगरी न्यून आय भएका) बीच सुरु भएकाे थियाे ।

सन् २००५ मा फ्रान्समा आवास परियाेजनाबाट निराश युवाहरूले यसलाई विराेधकाे आवाज पनि बनाएका थिए । त्यस बेला प्रहरीले तीन हप्ताभन्दा कम अवधिमा आठ हजार आठ सय १० वटा गाडी जलाएको गणना गरेको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्