कालीगण्डकी करिडोरले नेपालीको भाग्यरेखा कोर्छ : परराष्ट्रमन्त्री ज्ञवाली

भदौ २५, २०७५ सोमबार १९:५५:१६ | जनार्दन घिमिरे

गुल्मी – परराष्ट्रमन्त्री प्रदीप ज्ञवालीले राष्ट्रिय गौरवको आयोजना कालीगण्डकी करिडोर आर्थिक विकासको मेरुदण्ड भएको बताउनु भएको छ ।

दुई ठूला शक्तिशाली अर्थनीति भएका छिमेकी मुलुक जोड्ने सबैभन्दा छोटो सडक भएकोले उक्त सडक महत्वपूर्ण भएकोउहाँको भनाई रहेको थियो ।

सोमबार कालीगण्डकी करिडोर सडक योजनाअन्र्तगत रिँडी–रुद्रवेणी सडक खण्डको सार्वजनिक यातायात शुभारम्भ कार्यक्रमको उद्घाटन गर्दै मन्त्री ज्ञवालीले कालीगण्डकी करिडोरले समृद्धिमा विशेष भूमिका खेल्ने बताउनुभएको हो । ‘चीन र भारतजस्ता छिमेकी देश जोड्ने ३ सय ५० किलोमिटर सडक नेपालको आर्थिक विकासको मेरुदण्ड हो । यो सडकसँग धार्मिक र सांस्कृतिक महत्व समेत जोडिएको छ’, उहाँले भन्नुभयो ।

लुम्बिनी, मुक्तिनाथ र मानसरोवरजस्ता धार्मिक तथा सांस्कृतिक महत्व भएका स्थलहरुलाई समेत करिडोरले जोडेको छ । कालीगण्डकी करिडोरलाई नेपालीहरुको भाग्यरेखा कोर्ने सडक भएको मन्त्री ज्ञवालीले तर्क गर्नुभयो । उहाँले चिनियाँ समकक्षीहरुसँग कुरा भइरहेको र यस्ता योजनाहरुमाथि देशहरुको सहयोग मिल्ने कुरामा आफू विश्वस्त रहेको पनि दावी गर्नुभयो ।

नेपाली सेनाले रिडी–रुद्रवेणी सडक खण्डलाई चार महिनामा १० मिटर चौडा पारेको छ । गुल्मीको प्रवेशद्वार रिडीदेखि आठ किलोमिटर रुद्रवेणीसम्म सेनाले बाटो चौडा पारेको हो । सेनाले कुल १० करोड बजेटमा निर्माण कार्य सम्पन्न गरेको बताएको छ ।

सडक निर्माण चलिरहेकाले चार महिनादेखि सडकमा यात्रु तथा सवारी साधन आवज–जावत गर्न सकेका थिएनन् । सडक शुभारम्भ कार्यक्रमपछि भने यो सडक सोमबार अपरान्हदेखि नै सञ्चालनमा आएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्