मंसिरको तुलनामा पुस महिनामा वैदेशिक रोजगारीमा जाने घटे

माघ १३, २०७८ बिहीबार १३:२६:३१ | उज्यालो सहकर्मी

काठमाण्डौ – गएको मंसिर महिनामा भन्दा पुस महिनामा वैदेशिक रोजगारीमा जाने घटेका छन् ।

मंसिर महिनामा वैदेशिक रोजगारीमा जान ७४ हजार ३५४ श्रम स्वीकृति लिएकोमा यो सङ्ख्या घटेर पुस महिनामा ६६ हजारमा झरेको छ ।

वैदेशिक रोजगार विभागका अनुसार विभिन्न म्यानपावर एजेन्सीमार्फत, व्यक्तिगत रूपमा, वैधानिकिकरण र पुन श्रम स्वीकृति गरी पुस महिनामा श्रम लिनेको सङ्ख्या ६६ हजार ६ सय २५ रहेको छ ।

श्रम लिनेमा ६२ हजार २७३ जना पुरुष र ४ हजार ३ सय ५२ जना महिला रहेका छन् ।

सबैभन्दा धेरै अदक्ष श्रमिकले श्रम स्वीकृति लिएका छन् । श्रम स्वीकृति लिनेमा ३४ हजार जना अदक्ष श्रमिक रहेका छन् भने २५ हजार ५९१ जना दक्ष श्रमिक रहेका छन् ।

यस्तै अर्धदक्ष ६ हजार ९०९ जनाले, उच्च सीप भएका १६ जनाले र व्यवसायीक श्रम स्वीकृति १०९ जनाले लिएका छन् ।

मंसिर महिनामा पुनः श्रम स्वीकृति समेत गरी ७४ हजार ३५४ जनाले वैदेशिक रोजगारीमा जानको लागि अन्तिम श्रम स्वीकृति लिएका थिए ।

यीमध्ये ३४ हजार ४९७ ले पहिलो पटक श्रम स्वीकृति लिएका र बाँकीले दोस्रो पटक श्रम लिएको विभागले जनाएको छ ।

अन्तिम अपडेट: पुस १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्